Ի կատարումն ՀՀ Լոռու մարզպետի կողմից հաստատված «Հայաստանի Հանրապետության Լոռու մարզի բնակչության պաշտպանության համակարգի նախապատրաստման 2019 թվականի հիմնական միջոցառումների պլան»-ի, ս/թ․սեպտեմբերի 23-ին իմ ղեկավարությամբ Լոռու մարզի Ալավերդի համայնքում անց է կացվելու շտաբային ուսումնավարժություն՝ «Անտառային հրդեհների հրդեհաշիջման կազմակերպում և իրականացում» թեմայով:
Ուսումնավարժության կազմակերպման և արդյունավետ անցկացման նպատակով որոշում եմ՝
1. Նշանակել`
1.1. Ուսումնավարժության ղեկավարման շտաբի պետ՝ Զավեն Շահմուրադյանին:
Շտաբը կազմավորել համայնքի ծառայությունների բազայի վրա:
2. Ուսումնավարժությունում ընդգրկել համայնքի ղեկավար կազմին, համայնքային կապի և ազդարարման, բժշկական, ինժեներական, տրանսպորտային, առևտրի, սննդի և նյութատեխնիկական մատակարարման միասնական, բույսերի և կենդանիների պաշտպանության և հասարակական կարգի պահպանման ծառայությունները:
3. Շտաբի պետին.
- մշակել և մինչև սեպտեմբերի 19-ը իմ հաստատմանը ներկայացնել ուսումնավարժության նախապատրաստման և անցկացման փաստաթղթերը և ապահովել պլանով նշված միջոցառումների սահմանված ժամկետներում կատարումը.
- համայնքային ծառայությունների ու կազմավորումների ղեկավարների հետ անցկացնել տեսական պարապմունքներ, շտաբային վարժանքներ.
- ուսումնավարժության անցկացման ընթացքում ապահովել իրավիճակի մասին տեղեկությունների ժամանակին ընդունումը, ամփոփումը, գնահատումն ու շահագրգիռ մարմիններին հասցնումը.
- նախապատրաստել ղեկավարման կետը.
- ուսումնավարժության անցկացմանը պատրաստ լինելու մասին ինձ զեկուցել մինչև սեպտեմբերի 20-ը:
4. Համայնքային ծառայությունների պետերին.
1) ուսումնասիրել և ճշգրտել ծառայությունների պլաններն ու խնդիրները: Ակտիվորեն համագործակցել ուսումնավարժության ղեկավարման շտաբի հետ.
2) կապի ծառայության պատասխանատուին` ապահովել կայուն և անխափան կապ ծառայությունների ու արձագանքող ուժերի հետ․
3) տրանսպորտային ծառայության պատասխանատուին` պատրաստ վիճակի բերել առկա տրանսպորտային միջոցները` անտառային հրդեհների դեպքում բնակչության պաշտպանության կազմակերպման և հետևանքների վերացման նպատակով.
4) բժշկական ծառայության պատասխանատուին` ճշգրտել ծառայության խնդիրներն ու դրանց լուծման կարգը.
5) բույսերի և կենդանիների պաշտպանության ծառայության պատասխանատուին ` ճշգրտել ծառայության խնդիրները` անտառային հրդեհների դեպքում բնակչության պաշտպանության կազմակերպման և հետևանքների վերացման նպատակով.
6) հասարակական կարգի պահպանման ծառայութայն պատասխանատուին` ճշգրտել ծառայության խնդիրները` անտառային հրդեհների դեպքում բնակչության պաշտպանության կազմակերպման և հետևանքների վերացման նպատակով.
7) ինժեներական ծառայության պատասխանատուին՝ պատրաստ վիճակի բերել առկա տրանսպորտային միջոցները` անտառային հրդեհների դեպքում բնակչության պաշտպանության կազմակերպման և հետևանքների վերացման նպատակով.
8) առևտրի, սննդի և նյութատեխնիկական մատակարարման միասնական ծառայության պատասխանատուին ՝ ճշգրտել ծառայության խնդիրներն ու դրանց լուծման կարգը, արձագանքող ուժերին սննդով և ՎՔՆ-ով ահովելու համար։
5. Ուսումնավարժության ղեկավարումն իրականացնել համայնքի աշխատակազմի շենքից:
6. Ուսումնավարժությունների անցկացման հսկողությունը թողնում եմ ինձ վրա: