Ղեկավարվելով «Տեղական ինքնակառավարման մասին» Հայաստանի Հանրապետության օրենքի 43-րդ հոդվածով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, Հայաստանի Հանրապետության հողային օրենսգրքի 60-րդ հոդվածով և 118-րդ հոդվածի 4-րդ կետով, հիմք ընդունելով «Ալավերդու բժշկական կենտրոն» ՓԲ ընկերության կողմից տրամադրված 18.05.2020թ. N 7/ՍՄ-274 տեղեկանքն ու դիմումը, քաղաքաշինության, գյուղատնտեսության և բնապահպանության բաժնի առաջարկությունը որոշում եմ՝

1.Վերականգնել Լոռու մարզ, գյուղ Ծաղկաշատ, փողոց 3, N 12/1 հասցեում գտնվող «Ալավերդու բժշկական կենտրոն» ՓԲ ընկերության ամբուլատորիայի (ծածկագիր՝ 06-050-0012-0003), կառուցման և սպասարկման համար զբաղեցրած 0.00591 հա մակերեսով բնակավայրերի հասարակական կառուցապատման հողամասի հողհատկացման հիմքերը:
2.Լոռու մարզ, գյուղ Ծաղկաշատ, փողոց 3, N 12/1 հասցեում գտնվող «Ալավերդու բժշկական կենտրոն» ՓԲ ընկերության ամբուլատորիայի (ծածկագիր` 06-050-0012-0003), կառուցման և սպասարկման համար զբաղեցրած 0.00591 հա մակերեսով բնակավայրերի հասարակական կառուցապատման հողամասը՝ վարձակալության իրավունքով, 99 տարի ժամանակով, հողի հարկի դրույքաչափին հավասարեցված տարեկան վարձավճարով, տրամադրել «Ալավերդու բժշկական կենտրոն» ՓԲ ընկերությանը:
3.Անշարժ գույքի զբաղեցրած հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում:
4.Հողամասի սահմանները որոշվում են համայնքի ղեկավարի կողմից հաստատված հատակագծով:
5.Սույն որոշումից ծագող իրավունքները ենթակա են պետական գրանցման:
6.Ուժը կորցրած ճանաչել Ալավերդի համայնքի ղեկավարի 17.07.2020թ. «Հողհատկացման հիմքերը վերականգնելու, հողամասը վարձակալությամբ տրամադրելու մասին» N 219-Ա որոշումը: