Ղեկավարվելով «Տեղական ինքնակառավարման մասին» Հայաստանի Հանրապետության օրենքի 42-րդ, 43-րդ հոդվածներով, Հայաստանի Հանրապետության հողային օրենսգրքի 60-րդ հոդվածով, Հայաստանի Հանրապետության քաղաքացիական օրենսգրքի 188-րդ հոդվածի 2-րդ, 5-րդ  կետերով, Հայաստանի Հանրապետության կառավարության 18.05.2006թ. N 912-Ն որոշման 3-րդ, 8-13-րդ կետերով և հաշվի առնելով, որ ինքնակամ կառուցված խանութը չի խախտում այլ անձանց իրավունքները և օրենքով պահպանվող շահերը, չի առաջացնում հարկադիր սերվիտուտ, պահպանում է քաղաքաշինական նորմերը, հիմք ընդունելով Աիդա Մանթաշյանի դիմումը, հողամասի սեփականության իրավունքի N 11022020-06-0025 վկայականը, «ԱԿԱ-ԳՐԱՆԻՏ» ՍՊԸ-ի կողմից կազմված հողամասի և շինության հատակագծերը, «ԹԻՎ 1 ԲՇՏ» ՓԲԸ-ի կողմից տրված 30.01.2020թ. տեղեկանքը, քաղաքաշինության, գյուղատնտեսության և բնապահպանության բաժնի առաջարկությունը որոշում եմ՝

1.Օրինականացնել համայնք Ալավերդի, քաղաք Ալավերդի, Սայաթ-Նովա փողոց, N 47 հասցեում գտնվող, Աիդա Անաստասի Մանթաշյանին ընդհանուր բաժնային սեփականության իրավունքով պատկանող, 0.0026 հա մակերեսով բնակելի կառուցապատման հողամասում 2008թ. ինքնակամ կառուցված, 25.52 քմ արտաքին մակերեսով (21.6 քմ ներքին մակերեսով) խանութը:
2.Օրինականացված խանութի համար սահմանված 56144 (հիսունվեց հազար հարյուր քառասունչորս) դրամ արժեքով վճարը  սահմանված ժամկետում չվճարելու դեպքում որոշումը համարվում է ուժը կորցրած:
3.Համաձայն Հայաստանի Հանրապետության կառավարության 18.05.2006թ. N 912-Ն որոշման 3-րդ կետի, համայնք Ալավերդի, քաղաք Ալավերդի, Սայաթ-Նովա փողոց N 47 հասցեում գտնվող, (ծածկագիր՝ 06-002-0027-0057), 0.0026 հա մակերեսով, բնակավայրերի բնակելի կառուցապատման հողամասի գործառնական  նշանակությունը փոփոխել որպես հասարակական կառուցապատման նշանակության:
4.Հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում:
5.Նշված իրավունքը ենթակա է պետական գրանցման: