Ղեկավարվելով «Տեղական ինքնակառավարման մասին» Հայաստանի Հանրապետության օրենքի 42-րդ, 43-րդ հոդվածներով, Հայաստանի Հանրապետության քաղաքացիական օրենսգրքի 188-րդ հոդվածով, Հայաստանի Հանրապետության հողային օրենսգրքի 3-րդ, 10-րդ, 52-րդ, 53-րդ հոդվածներով, Հայաստանի Հանրապետության կառավարության 29.12.2005թ. թիվ 2387-Ն որոշումով, հաշվի առնելով, որ 0.97987 հա մակերեսով հողամասը կադաստրային գործում առկա փաստաթղթերով մշտապես օգտագործվել է և հատկացված է եղել «ԱՆՈՒՇ» ԲԲ ընկերությանը, հիմք ընդունելով «ԱԿԱ-ԳՐԱՆԻՏ» ՍՊ ընկերության կողմից կազմված հողամասի հատակագիծը, քաղաքաշինության, գյուղատնտեսության և բնապահպանության բաժնի առաջարկությունը որոշում եմ՝

1. Ալավերդի քաղաքի Կոշաբերդ փողոցի արևելյան մասում գտնվող (ծածկագիր՝ 06-002-0045-0010), 0.97987 հա մակերեսով հողամասին տրամադրել համայնք Ալավերդի, քաղաք Ալավերդի, Կոշաբերդ փողոց, N 10 փոստային հասցե:
2. «ԱՆՈՒՇ» ԲԲ ընկերության կողմից փաստացի օգտագործվող 0.97987 հա մակերեսով հողամասից սխալ գրանցման արդյունքում ավել օգտագործվող 0.28987 հա մակերեսով հողամասը վերահատկացնել «ԱՆՈՒՇ» ԲԲ ընկերությանը:
3. Հաստատել համայնք Ալավերդի, քաղաք Ալավերդի, Կոշաբերդ փողոց, N 10 հասցեում գտնվող, «ԱՆՈՒՇ» ԲԲ ընկերությանը սեփականության իրավունքով պատկանող (ծածկագիր՝ 06-002-0045-0010), 0.97987 հա մակերեսով արտադրական գործառնական նշանակության հողամասի գծային սահմանային չափերը՝ համաձայն որոշման հավելված հանդիսացող հատակագծի:
4. Տալ համաձայնություն «ԱՆՈՒՇ» ԲԲ ընկերության անվամբ իրավունքի պետական գրանցում ստացած 0.97987 հա մակերեսով հողամասի սահմանային չափերը փոփոխելու՝ համաձայն որակավորում ունեցող անձի կողմից տրված հատակագծի:
5.Հողամասը չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում:
6. Հողամասի սահմանները որոշվում են համայնքի ղեկավարի կողմից հաստատված հատակագծով:
7. Ուժը կորցրած ճանաչել Ալավերդի համայնքի ղեկավարի 17.03.2020թ. «Ալավերդի համայնքի վարչական սահմաններում գտնվող, 06-002-0045-0010 ծածկագրով, «Անուշ» ԲԲԸ-ին սեփականության իրավունքով պատկանող, 0.97987 հա մակերեսով հողամասի սահմանները հաստատելու, սահմանային չափերի փոփոխություն կատարելու համաձայնություն տալու, փոստային հասցե տրամադրելու մասին» N 86-Ա որոշումը:
8.Սույն որոշումից ծագող իրավունքները ենթակա են պետական գրանցման: