Այսօր՝ 25.03.2017

Սպորտ

Ալավերդին հարուստ է մարզական ավանդույթներով:

Դեռեւս հեռավոր 1936 թվականին ֆուտբոլի ԽՍՀՄ գավաթի առաջին խաղարկությանը Հայաստանից մասնակցում էր Ալավերդու «Մետալուրգ» ֆուտբոլային ակումբը: Այդ ակումբից է սկսել դեպի մեծ ֆուտբոլ փառավոր ուղին աշխարհահռչակ դարպասապահ Սերգեյ Զատիկյանը: Նրա ռեկորդը` ԽՍՀՄ ֆուտբոլի առաջնությունում Հայաստանի գլխավոր թիմի դարպասը մեկ խաղաշրջանում անառիկ պահելը, մինչ օրս անհասանելի է:

Ալավերդին հայտնի է իր ձեռքի գնդակի դպրոցով: Հանդբոլի թիմը բազմիցս հաղթել է հանրապետության առաջնություններում, նաև մասնակցել է միասնական մրցաշարերի: Դպրոցի հիմնադիրն է ԽՍՀՄ սպորտի վարպետ, 60-ական թվականների ԽՍՀՄ հավաքականի անդամ Օլեգ Գորբունովը:

Այսօր էլ մարզական ավանդույթները վերականգնվում և շարունակվում են: 2006թ. ՀՀ նախագահի հրամանագրով Ալավերդին ճանաչվել է Հանրապետության լավագույն մարզական համայնք:

Քաղաքում գործում է 1962 թվականին հիմնադրված՝ Օ.Գորբունովի անվան մանկապատանեկան մարզադպրոցը: Գործում են ազատ ոճի ըմբշամարտի, հանդբոլի և բասկետբոլի խմբակներ մոտ 100 սաներով:

2006 թվականին հանդիսավորությամբ բացվեցին ըմբշամարտի եւ շախմատի դպրոցները:

Ուշադրություն

Մեջբերումներ անելիս հղումը Alaverdi.Am-ին ՊԱՐՏԱԴԻՐ Է:

Արգելվում է կայքի արտաքին տեսքի կամ բովանդակության անօրինական արտատպումը այլ կայքերում օգտագործելու համար:

Copyright © 2009-2016: Կայքի բոլոր իրավունքները պաշտպանված են: