Ղեկավարվելով «Տեղական ինքնակառավարման մասին» Հայաստանի Հանրապետության օրենքի 92-րդ հոդվածի 4-րդ մասով, «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 15-րդ հոդվածի 9-րդ մասի դրույթներով, հիմք ընդունելով Հայաստանի Հանրապետության տարածքային կառավարման և ենթակառուցվածքների նախարարի տեղակալի 21.07.2021թ. N ՎՏ/14.2/18349-2021 գրությունը` համայնքի ավագանին ո ր ո շ ու մ  է.

Շվեյցարիայի զարգացման գործակալության և Գերմանիայի Դաշնության տնտեսական զարգացման ու համագործակցության նախարարության կողմից Հայաստանի համայնքներին՝ ԿՈՎԻԴ 19-ով պայմանավորված դժվարություններին դիմագրավելու համար հայտարարված դրամաշնորհային մրցույթին ներկայացված և հավանության արժանացած «Ալավերդի համայնքի Աքորի գյուղի ոռոգման ցանցի նորոգումը՝ որպես համայնքի գյուղատնտեսության զարգացման խթան» ծրագրի իրականացման համար Ալավերդի համայնքի Հայաստանի Հանրապետության գանձապետական համակարգում բացել առանձնացված արտաբյուջետային հաշիվ: