ՆԱԽԱԳԻԾ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 42-րդ, 43-րդ հոդվածներով, Հայաստանի Հանրապետության հողային օրենսգրքի 60-րդ հոդվածով, Հայաստանի Հանրապետության քաղաքացիական օրենսգրքի 188-րդ հոդվածի 2-րդ, 5-րդ  կետերով, Հայաստանի Հանրապետության կառավարության 18.05.2006թ. N 912-Ն որոշման 8-13-րդ, 16-րդ, 33.1-րդ կետերով, Հայաստանի Հանրապետության  կառավարության 29.12.2005թ. թիվ 2387-Ն որոշումով, և հաշվի առնելով, որ ինքնակամ կառուցված ավտոլվացման կետը չի խախտում այլ անձանց իրավունքները և օրենքով պահպանվող շահերը, չի առաջացնում հարկադիր սերվիտուտ, պահպանում է քաղաքաշինական նորմերը, հիմք ընդունելով Գագիկ Լևոնի Էվոյանի դիմումը, հողամասի սեփականության իրավունքի N 1447108 վկայականը, «ԱԿԱ-ԳՐԱՆԻՏ» ՍՊ ընկերության կողմից կազմված հողամասի և շինության հատակագծերը, ժառանգության իրավունքի վկայագիրը, Հաղպատ գյուղի վարչական ղեկավարի կողմից տրված 16.06.2020թ. N 340 տեղեկանքը, քաղաքաշինության, գյուղատնտեսության և բնապահպանության բաժնի առաջարկությունը որոշում եմ՝

1.Լոռու մարզի Հաղպատ համայնքում գտնվող 0.3679 հա մակերեսով /ծածկագիր՝ 06-060-0037-0004/ տնամերձ հողամասին տրամադրել համայնք Ալավերդի, գյուղ Հաղպատ, փողոց 11, N 42 փոստային հասցե:
2.Օրինականացնել համայնք Ալավերդի, գյուղ Հաղպատ, փողոց 11, N 42 հասցեում գտնվող, Գագիկ Լևոնի Էվոյանին սեփականության իրավունքով պատկանող, 0.3679 հա մակերեսով բնակելի կառուցապատման հողամասում 2020թ. ինքնակամ կառուցված, 44.87 արտաքին մակերեսով (41.4 քմ ներքին մակերեսով) ավտոլվացման կետը:
3.Օրինականացված ավտոլվացման կետի համար սահմանված՝ 49357 (քառաքսունինը հազար երեք հարյուր հիսունյոթ) դրամ արժեքով վճարը սահմանված ժամկետում չվճարելու դեպքում որոշումը համարվում է ուժը կորցրած:
4.Հողամասում առկա է ինքնակամ կառուցված 131.67 քմ արտաքին մակերեսով (105.0 ներքին մակերեսով) անավարտ շինություն, որը ենթակա է գրանցման նշագծված տարբերակով, որպես ինքնակամ կառույց: 
5.Հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում:
6.Նշված իրավունքը ենթակա է պետական գրանցման: