«Պետական կառավարչական հիմնարկների մասին» Հայաստանի Հանրապետության օրենքի 18-րդ հոդվածին և «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 15-րդ կետին համապատասխան`համայնքի ավագանին ո ր ո շ ու մ է. 1. Դադարեցնել «Հայաստանի Հանրապետության Լոռու մարզի Ալավերդու քաղաքապետարանի աշխատակազմ», «Հայաստանի Հանրապետության Լոռու մարզի Աքորուգյուղապետարանի աշխատակազմ», «Հայաստանի Հանրապետության Լոռու մարզի Կաճաճկուտի գյուղապետարանի աշխատակազմ», «Հայաստանի Հանրապետության Լոռու մարզի Հաղպատի գյուղապետարանի աշխատակազմ», «Հայաստանի Հանրապետության Լոռու մարզի Ծաղկաշատի գյուղապետարանի աշխատակազմ», «Հայաստանի Հանրապետության Լոռու մարզի Ջիլիզայի գյուղապետարանի աշխատակազմ» համայնքային կառավարչական հիմնարկների գործունեությունը:
2. Հայաստանի Հանրապետության Լոռու մարզի Ալավերդի համայնքի ղեկավարին՝ Հայաստանի Հանրապետության օրենսդրությամբ սահմանված կարգով ձեռնարկել անհրաժեշտ միջոցներ սույն որոշման 1-ին կետում նշված համայնքային կառավարչական հիմնարկների գույքը «Հայաստանի Հանրապետության Լոռու մարզի Ալավերդու համայնքապետարանի աշխատակազմ» համայնքային կառավարչական հիմնարկին հանձնելու և հաշվեկշռում հաշվառելու ուղղությամբ:
3. Սույն որոշումն ուժի մեջ է մտնում ընդունման հաջորդ օրվանից:
|