Հիմք ընդունելով ՀՀ Լոռու մարզի Ալավերդու համայնքապետարանի և «ԵՎՐՈ ՏՐԱԿ» ՍՊԸ-ի միջև 05․12․2024 թվականին  կնքված ԼՄԱՀ-ԷԱՃ-ԱՊՁԲ-24/16-1 պայմանագիրը, ղեկավարվելով ՀՀ քաղաքացիական օրենսգրքի 685-րդ հոդվածի 1-ին մասով, 693-րդ հոդվածի 1-ին մասով ,  «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի  21-րդ կետերով`

համայնքի ավագանին որոշում է.

1․ ԼՄԱՀ-ԷԱՃ-ԱՊՁԲ-24/16-1 պայմանագրի շրջանակներում ձեռք բերվող ՀՀ Լոռու մարզի Ալավերդի համայնքին պատկանող թվով 5 ավտոբուսները՝ համաձայն հավելվածի , անհատույց օգտագործման իրավունքով անժամկետ  հանձնել  «Ալավերդու ավտոբուս» փակ բաժնետիրական ընկերությանը։
2․ Ալավերդի համայնքի ղեկավարին՝ «Ալավերդու ավտոբուս» փակ բաժնետիրական ընկերության հետ կնքել գույքի անհատույց օգտագործման պայմանագիր։