Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 42-րդ կետի դրույթներով, Հայաստանի Հանրապետության հողային օրենսգրքի 3-րդ, 48-րդ հոդվածներով, 59-րդ հոդվածի 5-րդ կետով, 60-րդ և 76-րդ հոդվածներով, «Նորմատիվ իրավական ակտերի մասին» Հայաստանի Հանրապետության օրենքով, ՀՀ կառավարության 14.01.2010թ. «Հայաստանի Հանրապետության համայնքների վարչական սահմաններում ընդգրկված պետական սեփականություն հանդիսացող հողամասերի օտարման, անհատույց (մշտական) օգտագործման, վարձակալության և կառուցապատման իրավունքով տրամադրման կարգը հաստատելու մասին» N 16-Ն որոշմամբ սահմանված կարգով, Հայաստանի Հանրապետության կառավարության 12.04.2001թ. N 286 որոշման կարգի 14 կետով և VIII գլխի դրույթներով, Ալավերդի համայնքի գլխավոր հատակագծին համապատասխան և հիմք ընդունելով պետական սեփականության իրավունքի N 22082025-06-0019 վկայականը, համայնքի ղեկավարի առաջարկությունը` համայնքի ավագանին որոշում է.
1. Հայաստանի Հանրապետության սեփականություն հանդիսացող՝ համայնք Ալավերդի, Արդվի գյուղի վարչական տարածքում գտնվող, 06-017-0312-0005 կադաստրային ծածկագրով, գյուղատնտեսական նպատակային նշանակության, արոտավայր հողատեսքի 12.64313 հեկտար մակերեսով հողամասը 10 (տասը) տարի ժամկետով, վարձակալության իրավունքով, մրցութային կարգով տրամադրելուն համաձայնություն տալու մասին:
2. Հողամասի տարեկան վարձավճարի մեկնարկային չափը սահմանել՝ 380000 (երեք հարյուր ութսուն հազար) ՀՀ դրամ:
3. Հողամասը գտնվում է Հայաստանի Հանրապետության «Հողային օրենսգրքի» 60-րդ հոդվածով սահմանված հողամասերի ցանկում:
1) Հողամասի կառուցապատման իրավունքով տրամադրումը չի սահմանափակում այլ անձանց իրավունքները և չի խախտում այլ անձանց օրենքով պաշտպանվող շահերը, ինչպես նաև չի խոչընդոտում այլ հողամասերի նպատակային կամ գործառնական նշանակությամբ օգտագործմանը:
2) Հողամասը վարձակալության իրավունքով տրամադրելու համար Հայաստանի Հանրապետության քաղաքացիական և հողային օրենսդրությամբ սահմանված այլ սահմանափակումներ չկան, ինչպես նաև համայնքի հողերի օգտագործման սխեմայով նախատեսված չէ այլ նպատակային կամ գործառնական նշանակությամբ օգտագործելու համար:
4. Առաջարկել Ալավերդի համայնքի ղեկավարին՝ պատրաստել հողաշինարարական գործ և ներկայացնել ՀՀ Լոռու մարզպետարան:
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: