Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 466-րդ հոդվածով, Հայաստանի Հանրապետության հողային օրենսգրքի 66-րդ հոդվածով,  հիմք ընդունելով Էներգետիկ ենթակառուցվածքների և բնական պաշարների նախարարության «Բարձրավոլտ էլեկտրացանցեր» ՓԲԸ-ի գլխավոր տնօրենի ժամանակավոր պաշտոնակատարի 03.11.2018թ. N 1-03/1346 գրությունը և Ալավերդի համայնքի ղեկավարի առաջարկությունը` համայնքի ավագանին ո ր ո շ ու մ  է.

Գյուղատնտեսական գործունեություն ծավալելու նպատակով հողամասերը վարձակալության հանձնելու մասին պայմանագրի առարկան փոխել՝ ըստ հողամասերի հատակագծերի.
Ալավերդի համայնքի Հաղպատ գյուղի վարչական տարածքում գտնվող 06-069-0208-0024 ծածկագրով հողամասից (վկայական՝ N 03032015-06-0020), վարձակալության իրավունքով Վրեժ Վազգենի Դավթյանին հատկացված հողամասի կնքված վարձակալության պայմանագրում կատարել մակերեսի փոփոխություն՝ 1.03 հա մակերեսը փոխարինել 0.99916 հա մակերեսով: 1.03 հա մակերեսով հողամասից վերաբաժանված 0.01685 հա և 0.01309 հա մակերեսով հողամասերի նկատմամբ կատարել իրավունքի պետական գրանցում, հետագայում՝ ուղղակի վաճառքով օտարելու «Բարձրավոլտ էլեկտրական ցանցեր» ՓԲԸ-ին:
Սահմանել վաճառքի գին՝ 1.0 քմ համար 222 (երկու հարյուր քսաներկու) ՀՀ դրամ: