Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածով, «Տեղական ինքնակառավարման մասին» Հայաստանի Հանրապետության օրենքի 42-րդ, 43-րդ հոդվածներով, Հայաստանի Հանրապետության հողային օրենսգրքի 7-րդ հոդվածի 4-րդ կետով, 42-րդ հոդվածի 1-ին կետի 1-ին ենթակետով, 43-րդ և 60-րդ հոդվածներով, Հայաստանի Հանրապետության կառավարության 29.12.2011թ. N 1920-Ն որոշմամբ հաստատված կարգի 24-րդ կետի 3) ենթակետով, ՀՀ Լոռու մարզի Լոռի-2 միկրոռեգիոնալ մակարդակի համակցված տարածական պլանավորման փաստաթղթով, Հայաստանի Հանրապետության կառավարության 18.05.2006թ. N 912-Ն որոշման 3-րդ կետով, հաստատված կարգի 8-11-րդ կետերով, հիմք ընդունելով Անուշ Կոստիի Վահրամյանի դիմումը, անձնագրի պատճենը, սեփականության իրավունքի N 2275154 վկայականը, «ՍԱՐԳԻՍ ԹԱՄԱԶՅԱՆ ՌՈԲԵՐՏԻ» ԱՁ-ի կողմից տրված կադաստրի կոմիտեում ինքնակամ կառույցի հաշվառման տեղեկանքն ու կազմված հողամասի և շինության հատակագծերը, մասնագիտական եզրակացությունը, Ալավերդի համայնքի ղեկավարի 04/11/2024թ. N 1659-Ա որոշումը՝

որոշում եմ.

1․Անուշ Կոստիի Վահրամյանին սեփականության իրավունքով պատկանող, Ալավերդի համայնքի գյուղ Շնող, 2 փողոց, 5 հասցեում գտնվող, 06-088-0075-0024 կադաստրային ծածկագրով, 0.086 հա մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասը փոփոխել որպես բնակավայրերի նպատակային նշանակության բնակավայրերի հասարակական կառուցապատման գործառնական նշանակության:

2.Օրենքով սահմանված կարգով փոփոխությունը պետական գրանցում ստանալուց հետո այն ընդգրկել համայնքի հողային ֆոնդի տարեկան ընթացիկ հաշվառման տվյալներում և համայնքի հողային հաշվեկշռում:

3.Օրինականացնել Անուշ Կոստիի Վահրամյանին սեփականության իրավունքով պատկանող, Ալավերդի համայնքի գյուղ Շնող, 2 փողոց, 5 հասցեում գտնվող, 06-088-0075-0024 կադաստրային ծածկագրով, բնակավայրերի նպատակային նշանակության, հասարակական կառուցապատման գործառնական նշանակության 0.086 հա մակերեսով հողամասում, 2009թ. ինքնակամ կառուցված, կադաստրի կոմիտեում 2024LNQRBL ծածկագրով հաշվառված, ընդհանուր՝ 173.1 քմ արտաքին մակերեսով (140.4 քմ ներքին մակերեսով) հյուրանոցը, 65,66 քմ արտաքին մակերեսով (57,2 քմ ներքին մակերեսով) հացատունը, 9,1 քմ արտաքին մակերեսով (6,87 քմ ներքին մակերեսով) խորդանոցը:

4. Ինքնակամ կառուցված շինությունները չեն խախտում այլ անձանց իրավունքները և օրենքով պահպանվող շահերը և վտանգ չեն սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք:

5.Օրինականացված շինությունների համար սահմանված 368320 (երեք հարյուր վաթսունութ հազար երեք հարյուր քսան) ՀՀ դրամ արժեքով վճարը 60-օրյա ժամկետում չվճարելու դեպքում որոշումը համարվում է ուժը կորցրած:

6.Նշված իրավունքն ենթակա է պետական գրանցման:

7.Սույն որոշումն ուժի մեջ է մտնում հրապարակման պահից: