Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 21-րդ կետի դրույթներով, Հայաստանի Հանրապետության կառավարության 09.08.2007թ. N 1032-Ն և 29.06.2006թ. N 1084-Ն  որոշումներով, Հայաստանի Հանրապետության կառարավարության 2011թ. դեկտեմբերի 29-ի «Հայաստանի Հանրապետության համայնքների (բնակավայրերի) գլխավոր հատակագծերի և համակցված տարածական պլանավորման փաստաթղթերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N 609-Ն ու 2010 թվականի մարտի 4-ի N 208-Ն որոշումներն ուժը կորցրած ճանաչելու մասին» N 1920-Ն որոշմամբ սահմանված կարգով, հիմք ընդունելով Ալավերդի համայնքի ավագանու 02.06.2021թ. N 51-Ա որոշումը, ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 30-ը նոյեմբերի 2021թ. N 1/փ-352 դրական եզրակացությունը` համայնքի ավագանին որոշում է. 

1. Ալավերդի համայնքի Ալավերդի քաղաքի Էնգելս թաղամասի Թբիլիսյան խճուղում գտնվող, համայնքի կադաստրային քարտեզի 06-002-0162-0016 ծածկագրի, «Ալավերդի համայնքի Ամալյա Կարապետյանի անվան թիվ 7 մանկապարտեզ»-ի ինքնակամ շինություններով ծանրաբեռնված, 0.34 հա մակերեսով արդյունաբերության, ընդերքօգտագործման և այլ արտադրական նպատակային նշանակության, արդյունաբերական օբյեկտների գործառնական նշանակության հողատեսքը փոփոխել բնակավայրերի նպատակային նշանակության, հասարակական կառուցապատման գործառնական նշանակության:
2. Նշված՝ 0.34 հա մակերեսով հողամասն իր մեջ ներառում է նաև համայնքային սեփականություն հանդիսացող, 06-002-0113-0003 կադաստրային ծածկագրով 0.0597 հա մակերեսով (վկայական N 09102019-06-0026) հողամասը, որը սույն որոշման պահին արդեն իսկ քանդված կաթսայատան զբաղեցրած հողամասն է:
3. Հայաստանի Հանրապետության Լոռու մարզի Ալավերդի համայնքի ղեկավարին՝ ձեռնարկել սույն որոշումից բխող անհրաժեշտ գործառույթների իրականացումը:
4. Սույն որոշումն ուժի մեջ է մտնում պաշտոնական հրապարակման օրվանից: