Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի առաջին մասի 16-րդ կետով, 80-րդ հոդվածով, «Հրապարակային սակարկությունների մասին» Հայաստանի Հանրապետության օրենքի չորրորդ հոդվածով, Հայաստանի Հանրապետության Հողային օրենսգրքով, Հայաստանի Հանրապետության «Քաղաքացիական օրենսգրքի» 463-րդ հոդվածով, Հայաստանի Հանրապետության կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշմամբ, հիմք ընդունելով 2025 թվականի օգոստոսի 26-ին Ալավերդու համայնքապետարանում տեղի ունեցած գույքի աճուրդի մասին թիվ 1 արձանագրությունը՝ որոշում եմ.
1.Ալավերդի համայնքի Ախթալա քաղաքի Աբովյան փողոց, 17 հասցեում գտնվող, 292.3 քմ ներքին մակերեսով հասարակական նշանակության վարչական շենքը և դրա սպասարկման և պահպանման համար զբաղեցրած 0.0137 հա մակերեսով հողամասը (անշարժ գույքի նկատմամբ իրավունքների պետական գրանցման վկայական N 11072025-06-0093)՝ 4 435 000 (չորս միլիոն չորս հարյուր երեսունհինգ հազար) ՀՀ դրամ արժեքով վաճառել 2025 թվականի օգոստոսի 26-ին Ալավերդու համայնքապետարանում կայացած աճուրդի /լոտ 1-ի/ հաղթող Հովիկ Ռուդիկի Մարգարյանին:
2. Աճուրդում հաղթած անձը պարտավոր է 10 օրվա ընթացքում ամբողջությամբ վճարել սակարկությունների արդյունքում ձևավորված գինը:
1) Գումարն ամբողջությամբ վճարելուց հետո` երկու օրվա ընթացքում, նրանց հետ կնքել օտարման պայմանագիր, որը վավերացվում է նոտարական կարգով և ենթակա է պետական գրանցման:
2) Աճուրդում հաղթած անձի (անձանց) հետ պայմանագիր կնքելիս նրանց մուծած նախավճարի գումարը հաշվարկվում է կնքվող պայմանագրով պարտավորությունների կատարման հաշվում:
3)Համաձայն «ՔԾՓԿ» ԲԲ ընկերության կողմից 30.08.2024թ. տրված շինության տեխնիկական վիճակի մասին N 15/252 եզրակացության, 0.0137 հա մակերեսով հողամասում գտնվող վարչական շենքը բարոյապես մաշված է, ուժեղացում-վերականգնումը տեխնիկոտնտեսապես նպատակահարմար չէ և շենքը ենթակա է քանդման, հետևաբար oտարման պայմանագրում պետք է ամրագրվեն պայմաններ այն մասին, որ երկու տարվա ընթացքում գնորդի կողմից կատարվեն շենքի ուժեղացման, վերականգնման կամ քանդման աշխատանքներ։
4) Գույքի օտարումից ստացվող ֆինանսական միջոցներն ուղղվում են համայնքային բյուջեի ֆոնդային մաս:
3. Պայմանագիր կնքելուց կողմերից մեկի խուսափելու դեպքում մյուս կողմն իրավունք ունի դիմել դատարան` պայմանագիր կնքելուն հարկադրելու, ինչպես նաև դրա կնքումից խուսափելու հետևանքով պատճառված վնասները հատուցելու պահանջով:
4. Սույն որոշմամբ սահմանված անշարժ գույքի նկատմամբ սեփականության իրավունքը ենթակա է պետական գրանցման «Գույքի նկատմամբ իրավունքների պետական գրանցման մասին» Հայաստանի Հանրապետության օրենքով սահմանված կարգով և սույն որոշումից ծագող իրավունքները սահմանված կարգով պետական գրանցումից հետո վավեր են և գործում են Հայաստանի Հանրապետության ամբողջ տարածքում:
5. Սույն որոշումն ուժի մեջ է մտնում հրապարակմանը հաջորդող օրվանից: