Ղեկավարվելով «Տեղական ինքնակառավարման մասին» Հայաստանի Հանրապետության օրենքի 42-րդ, 43-րդ հոդվածներով, Հայաստանի Հանրապետության 19.11.2019թ. 225-Ն օրենքով, Հայաստանի Հանրապետության կառավարության 18.05.2006թ. N 912-Ն որոշման 34-րդ, 35-րդ կետերով, Հայաստանի Հանրապետության կառավարության 04.06.2020թ. N 1023-Ն որոշումով, հիմք ընդունելով համայնքի ավագանու 12.11.2024թ N 143-Ա որոշման 2-րդ կետը, սեփականության իրավունքի N 06112024-06-0057 վկայականը, վճարման անդորրագրերը՝ որոշում եմ.

1. Համայնքային սեփականություն հանդիսացող, համայնք Ալավերդի, Ալավերդի քաղաք, Սանահին Սարահարթ թաղամաս, Շահումյան փողոց, 2/7 հասցեում գտնվող, 72.5 քմ արտաքին մակերեսով նկուղով ավտոտնակը՝ 74530 (յոթանասունչորս հազար հինգ հարյուր երեսուն) ՀՀ դրամ արժեքով և սպասարկման ու պահպանման համար օգտագործվող 0.00387 հա մակերեսով բնակավայրերի նպատակային նշանակության, բնակելի կառուցապատման գործառնական նշանակության հողամասը /ծածկագիր՝ 06-002-0061-0076/՝ 30651 (երեսուն հազար վեց հարյուր հիսունմեկ) ՀՀ դրամ կադաստրային արժեքով, ուղղակի վաճառքով, օտարել Սամվել Արամայիսի Աբգարյանին:

2. Նշված գույքի առք ու վաճառքի պայմանագրի վավերացման և գրանցման հետ կապված վճարները կատարվում է Սամվել Արամայիսի Աբգարյանի կողմից:

3. Սույն որոշումն ուժի մեջ է մտնում հրապարակման պահից: