Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 42-րդ կետի դրույթներով, Հայաստանի Հանրապետության հողային օրենսգրքի 3-րդ, 60-րդ հոդվածներով, «Նորմատիվ իրավական ակտերի մասին» Հայաստանի Հանրապետության օրենքով, ՀՀ կառավարության 28.10.2010թ. «Արոտավայրերից և խոտհարքներից օգտվելու կարգը սահմանելու մասին» N 1477-Ն որոշմամբ սահմանված կարգով, Ալավերդի համայնքի գլխավոր հատակագծին համապատասխան և հիմք ընդունելով համայնքային սեփականության իրավունքի N 14072025-06-0015 վկայականը, քաղաքացի Աղասի Զավարյանի կողմից լիազորված անձ՝ Վարդան Մաթոսյանի դիմումը, համայնքի ղեկավարի առաջարկությունը` համայնքի ավագանին որոշում է. 1. Քաղաքացի Աղասի Վանոյի Զավարյանին ժամանակավոր օգտվելու հանձնել՝ Ալավերդի համայնքի սեփականություն հանդիսացող՝ համայնք Ալավերդի, Այգեհատ գյուղի վարչական տարածքում գտնվող, 06-014-0307-0082 կադաստրային ծածկագրով, գյուղատնտեսական նպատակային նշանակության, արոտավայր հողատեսքի 0.52005 հեկտար մակերեսով հողամասը 1 (մեկ) տարի ժամկետով։
2. Հողամասի տարեկան վարձավճարի մեկնարկային չափը սահմանել՝ 2500 (երկու հազար հինգ հարյուր) ՀՀ դրամ:
3. Հողամասը գտնվում է Հայաստանի Հանրապետության «Հողային օրենսգրքի» 60-րդ հոդվածով սահմանված հողամասերի ցանկում:
4. Առաջարկել Ալավերդի համայնքի ղեկավարին՝ քաղաքացի Աղասի Վանոյի Զավարյանի հետ կնքել արոտավայրից օգտվելու մասին պայմանագիր:
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: |