Հիմք ընդունելով ՀՀ Լոռու մարզի դատախազի տեղակալի՝ 20․03․2025 թվականի թիվ՝ 62/953-25 գրությունը և Ալավերդու համայնքապետարանի կողմից 26.03.2025 թվականին կազմված թիվ 1 արձանագրությունը և ղեկավարվելով «Տեղական ինքնակառավարման մասին» Հայաստանի Հանրապետության օրենքի 13-րդ հոդվածի 10-րդ և 12-րդ կետերի, 18-րդ հոդվածի 1-ին մասի 42-րդ կետի, ինչպես նաև «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ կետի և 38-րդ հոդվածի պահանջներով՝
համայնքի ավագանին որոշում է՝ 1. Անվավեր ճանաչել և վերացնել Հայաստանի Հանրապետության Լոռու մարզի Ախթալա համայնքի ավագանու՝ 20.04.2022թ․ թիվ 24-Ա որոշման 4-րդ կետը՝ Հայաստանի Հանրապետության հողային օրենսգրքի 60-րդ հոդվածի 6-րդ և 11-րդ մասերին հակասելու հիմքով:
2. Հանձնարարել և լիազորել Ալավերդի համայնքի ղեկավարին՝
2.1 Անվավեր ճանաչել և վերացնել Հայաստանի Հանրապետության Լոռու մարզի Ախթալա համայնքի ավագանու՝ 20.04.2022թ-ի թիվ 24-Ա որոշման 4-րդ կետի հիմքով Ախթալա համայնքի ղեկավարի կողմից 25.04.2022թ․ կայացրած թիվ 83-Ա որոշման 4-րդ կետը, 25․05․2022 թվականին կայացրած թիվ 116-Ա որոշումն ու ՀՀ Լոռու մարզ, Ախթալա համայնք, քաղաք Ախթալա, Առափնյա փողոց, 4 հասցեում գտնվող թիվ 06-003-0061-0004 ծածկագրով 0․10891 հա հողամասի աճուրդ-վաճառքի հիմք հանդիսացած բոլոր իրավական ակտերը:
2.2 Սույն որոշման 2-րդ կետի 2.1 ենթակետով սահմանված հանձնարարությունը կատարելուց հետո, սեղմ ժամկետներում, ձեռնարկել համապատասխան միջոցներ օրենքի խախտմամբ այլ անձի անունով գրանցված իրավունքի պետական գրանցումը վերացնելու և հողամասի նկատմամբ Ալավերդի համայնքի սեփականությունը գրանցելու նպատակով:
2.3 Սույն որոշման մասին տեղեկացնել ՀՀ Լոռու մարզի դատախազությանը:
3. Սույն որոշումն ուժի մեջ է մտնում ստորագրման պահից։ |