Զեկ. ՍԱՍՈՒՆ ԽԵՉՈՒՄՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 21-րդ կետով, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն, 09.08.2007թ. N 1032-Ն և 02.04.2015թ. N 412-Ն որոշումներով, հիմք ընդունելով Ալավերդի համայնքի ավագանու 27.02.2020թ. N 14-Ա որոշումը, ՀՀ համայնքների ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 25.10.2021թ. N 1/փ-315 դրական եզրակացությունը`համայնքի ավագանին ո ր ո շ ու մ է. 

1. Հայաստանի Հանրապետության Լոռու մարզի Ալավերդի համայնքի Ալավերդի քաղաքի Ակներ թաղամասի վարչական տարածքում գտնվող, Մովսես Յուրիկի Վահրամյանին սեփականության իրավունքով պատկանող գյուղատնտեսական նպատակային նշանակության հողերից 0.07865 հա, գործառնական նշանակության այլ հողատեսքը /կադաստրային ծածկագիր՝ 06-002-0275-0013/ փոփոխել բնակավայրերի նպատակային նշանակության, հասարակական կառուցապատման գործառնական նշանակության:
2. Պարտավորեցնել Մովսես Յուրիկի Վահրամյանին՝ սահմանված ժամկետում համայնքային բյուջե վճարել սեփականության իրավունքով իրեն պատկանող հողամասի նպատակային և գործառնական  նշանակության փոփոխման պահին առկա կադաստրային արժեքների տարբերությունը, որը կազմում է 0.07865 հա /կադաստրային ծածկագիր՝ 06-002-0275-0013/ հողամասի համար 394469 (երեք հարյուր իննսունչորս հազար չորս հարյուր վաթսունինը) ՀՀ դրամ:
3. Հայաստանի Հանրապետության Լոռու մարզի Ալավերդի համայնքի ղեկավարին՝ ձեռնարկել սույն որոշումից բխող անհրաժեշտ գործառույթների իրականացումը:
4. Սույն որոշումն ուժի մեջ է մտնում պաշտոնական հրապարակման օրվանից: