ՆԱԽԱԳԻԾ

Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածով, «Տեղական ինքնակառավարման մասին» Հայաստանի Հանրապետության օրենքի 42-րդ հոդվածով, Հայաստանի Հանրապետության կառավարության 18.05.2006թ. N 912-Ն որոշման 8-13-րդ կետերով, Հայաստանի Հանրապետության կառավարության 29.12.2005թ. թիվ 2387-Ն որոշումով, ՀՀ կադաստրի կոմիտեի ղեկավարի 2021 թվականի մայիսի 10-ի «Անշարժ գույքի հասցեավորման հայտի ձևը սահմանելու մասին» N 104-Լ հրամանով, հիմք ընդունելով Սասուն Գառնիկի Բեգջանյանի դիմումը, անձնագրերի պատճենները, սեփականության իրավունքի N 19042024-06-0015 վկայականը, «ՏՍ-ՌԻԵԼԹԻ» սահմանափակ պատասխանատվությամբ ընկերության կողմից տրված կադաստրի կոմիտեում ինքնակամ կառույցի հաշվառման տեղեկանքն ու կազմված հողամասի և շինության հատակագծերը, Նեղոց բնակավայրերի վարչական ղեկավարի կողմից 15.11.2024թ. տրված N 8312 տեղեկանքը, հաշվի առնելով այն հանգամանքը, որ գույքի իրավատերերը ժառանգություն ստանալուց հետո  մինչև 2024թ․ պետական գրանցումը Ալավերդու համայնքապետարան չեն ներկայացրել ինքնակամ կառույցի հաշվառման տեղեկանքը՝

որոշում եմ․

1. Օրինականացնել Ալավերդի համայնքի Նեղոց գյուղի 3-րդ փողոց, 1-ին փակուղի, 4 փոստային հասցեում գտնվող, 06-080-0008-0007 կադաստրային ծածկագրով, Սասուն Գառնիկի Բեգջանյանին, Ալվարդ Եսայի Բեգջանյանին, Սարգիս Գառնիկի Բեգջանյանին ընդհանուր բաժնային սեփականության իրավունքով պատկանող, բնակավայրերի նպատակային նշանակության, բնակելի կառուցապատման գործառնական նշանակության 0.08135 հա մակերեսով հողամասում, 2020թ. ինքնակամ կառուցված, կադաստրի կոմիտեում 2023X27ZF9 ծածկագրով հաշվառված, 32.9 քմ արտաքին մակերեսով (22.4 քմ ներքին մակերեսով) մառանը:

2. Ինքնակամ կառուցված շինությունը չի խախտում այլ անձանց իրավունքները և օրենքով պահպանվող շահերը և վտանգ չեն սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք:

3. Օրինականացված մառանի համար սահմանված 20760 (քսան հազար յոթ հարյուր վաթսուն) ՀՀ դրամ արժեքներով վճարները 60-օրյա ժամկետում չվճարելու դեպքում որոշումը համարվում է ուժը կորցրած:

4. Նշված իրավունքն ենթակա է պետական գրանցման:

5. Սույն որոշումն ուժի մեջ է մտնում հրապարակման պահից: