Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 21-րդ կետի դրույթներով, «Իրավական ակտերի մասին» Հայաստանի Հանրապետության օրենքի 20-րդ հոդվածի 1-ին կետով, Հայաստանի Հանրապետության հողային օրենսգրքի 3-րդ հոդվածի 1-ին կետով, համաձայն Հայաստանի Հանրապետության կառավարության 2011 թվականի դեկտեմբերի 29-ի «Հողերի օգտագործման ժամանակավոր սխեմաներ կազմելու կարգը հաստատելու մասին և Հայաստանի Հանրապետության կառավարության 2001 թվականի հունվարի 17-ի № 30 որոշումն ուժը կորցրած ճանաչելու մասին» № 1918-Ն որոշման և հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 14.12.2017թ. № 159 եզրակացության` համայնքի ավագանին ո ր ո շ ու մ է.
1. Հայաստանի Հանրապետության Լոռու մարզի Ալավերդի համայնքի Հաղպատ գյուղի վարչական սահմաններում գտնվող հողերի օգտագործման սխեմայում՝ համաձայն հավելվածի, գյուղատնտեսական նշանակության հողերից 0,02109 հա այլ հողատեսքը, 0.03192 հա վարելահողը, բնակավայրերի նշանակության 0,00314 հա ընդհանուր օգտագործման, 0,00046 հա այլ հողերը և Հայաստանի Հանրապետության պետական սեփականություն հանդիսացող անտառային նշանակության 0,01103 հա թփուտները, 0,08486 հա անտառը, 0,01309 հա արոտավայրը փոփոխել էներգետիկայի, կապի, տրանսպորտի և կոմունալ ենթակառուցվածքների օբյեկտների նպատակային նշանակության, իսկ գործառնական նշանակությունը` էներգետիկայի հողերի, հետագայում`մեկ քառակուսի մետրը երկու հարյուր քսաներկու /222/ Հայաստանի Հանրապետության դրամ արժեքով, ուղղակի վաճառքով, օտարելու «Բարձրավոլտ էլեկտրացանցեր» ՓԲ ընկերությանը, Հայաստանի Հանրապետության օրենսդրությամբ սահմանված կարգով «Նոյեմբերյան» և «Լալվար» 110 կՎ ԷՀՕԳ փոխարինում ծրագրի շրջանակներում էլեկտրահաղորդման օդային գծի (հենասյուների) կառուցման և սպասարկման համար: 2. Հայաստանի Հանրապետության Լոռու մարզի Ալավերդի համայնքի ղեկավարին՝ ձեռնարկել սույն որոշումից բխող անհրաժեշտ գործառույթների իրականացումը: |