Ղեկավարվելով Հայաստանի Հանրապետության հողային օրենսգրքի 51-54-րդ, 59-րդ և 60-րդ հոդվածներով, Հայաստանի Հանրապետության քաղաքացիական օրենսգրքով, Հայաստանի Հանրապետության կառավարության 29.04.2021թ. N 698-Ն որոշման Հավելված 2-ի 42-րդ կետով, Հայաստանի Հանրապետության կառավարության 29.12.2005թ. թիվ 2387-Ն որոշումով, ՀՀ կադաստրի կոմիտեի ղեկավարի 2021 թվականի մայիսի 10-ի «Անշարժ գույքի հասցեավորման հայտի ձևը սահմանելու մասին» N 104-Լ հրամանով, հիմք ընդունելով «Ախթալշին» ԲԲ ընկերության կողմից լիազորված անձ՝ Վոլոդյա Ձավարյանի դիմումը, 04/03/2024թ. լիազորագիրը, պետական միասնական գրանցամատյանից քաղվածքը (գրանցման համար 12.120.000168), հաշվապահական հաշվեկշռից շինությունների մասին տեղեկանքը առ 01.01.1995թ., աշխատավորների, դեպուտատների Ալավերդու քաղաքային սովետի գործադիր կոմիտեի 1969թվականի հունիսի 10-ի նիստի թիվ 12 արձանագրության արխիվային քաղվածքը տրված՝ Հայաստանի ազգային արխիվի Թումանյանի տարածքային ներկայացուցչությունից 08.10.2007թվականին, 29.12.2010թ. օրինական ուժի մեջ մտած ՀՀ վարչական դատարանի վճիռը /վարչական գործ՝ ՎԴ6/0009/05/08/, «ՏՍ-ՌԻԵԼԹԻ» ՍՊ ընկերության կողմից կազմված հողամասի և շինությունների հատակագծերն ու 10.02.2024թ. տրված N 0003 մասնագիտական եզրակացությունը՝

որոշում եմ՝

1. Ալավերդի համայնքի Ալավերդի քաղաքի կադաստրային քարտեզում կադաստրային 06-002-0135-0001, 06-002-0135-0003 և 06-002-0135-0005 ծածկագրերով, 0.365835 հա մակերեսով հողամասի սխալ նշված՝ բնակավայրերի նպատակային նշանակության, այլ կառուցապատման գործառնական նշանակությունն ուղղել և հաստատել նախկինում հատկացված արդյունաբերության, ընդերքօգտագործման և այլ արտադրական նշանակության, արդյունաբերական օբյեկտների գործառնական նշանակությունը:

2. Ալավերդի համայնքի Ալավերդի քաղաքի կադաստրային քարտեզում 06-002-0135-0002 ծածկագրով, 0.01512 հա մակերեսով հողամասի սխալ նշված՝ արդյունաբերության, ընդերքօգտագործման և այլ արտադրական նշանակության, գյուղատնտեսական արտադրական գործառնական նշանակությունն ուղղել և հաստատել նախկինում հատկացված արդյունաբերության, ընդերքօգտագործման և այլ արտադրական նշանակության, արդյունաբերական օբյեկտների գործառնական նշանակությունը:

3. Հիմք ընդունելով 29.12.2010թ. օրինական ուժի մեջ մտած ՀՀ վարչական դատարանի վճիռը /վարչական գործ՝ ՎԴ6/0009/05/08/՝ վերականգնել «Ախթալշին» բաց բաժնետիրական ընկերությանը պատկանող (իրավաբանական անձի հասցեն՝ Ալավերդի քաղաք, Երևանյան խճուղի 8, ՀՎՀՀ 06600277)՝ Ալավերդի համայնքի Ալավերդի քաղաքի վարչական տարածքում գտնվող, կադաստրային 06-002-0135-0001, 06-002-0135-0002, 06-002-0135-0003, 06-002-0135-0004 և 06-002-0135-0005 ծածկագրերով 0.49712 հա մակերեսով արդյունաբերության, ընդերքօգտագործման և այլ արտադրական նշանակության, արդյունաբերական օբյեկտների գործառնական նշանակության հողամասի նկատմամբ հողհատկացման հիմքերը, սեփականության իրավունքը:

4. Վերականգնել և ճանաչել «Ախթալշին» բաց բաժնետիրական ընկերության սեփականությունը (իրավաբանական անձի հասցեն՝ Ալավերդի քաղաք, Երևանյան խճուղի 8, ՀՎՀՀ 06600277) 0.49712 հա մակերեսով հողամասում գտնվող, այլ անձանց իրավունքները և օրենքով պահպանվող շահերը չխախտող, առանց քաղաքաշինական նորմերի ու կանոնների էական խախտումների իրականացրած և հարկադիր սերվիտուտ պահանջելու իրավունք չառաջացնող՝ 1974 թվականին կառուցված շինանյութերի բեռնաթափման պահեստային տնտեսության՝ բազայի շինության՝ պահեստի նկատմամբ:

5. Կադաստրային 06-002-0135-0001, 06-002-0135-0002, 06-002-0135-0003, 06-002-0135-0004 և 06-002-0135-0005ծածկագրերով 0.49712 հա մակերեսով հողամասի սեփականության իրավունքը գրանցել պայմանով՝ հետագա գործարք կատարելու դեպքում վճարելով տվյալ պահին գործող կադաստրային արժեքը:

6. Ելնելով հասցեավորման օբյեկտի տեղակայման դիրքից և այլ հասցեավորման օբյեկտների նկատմամբ նրա տեղակայման առավելագույն համապատասխանությունից, Հայաստանի Հանրապետության Լոռու մարզի Ալավերդի համայնքի Ալավերդի քաղաքի կադաստրային քարտեզի 06-002-0135-0001, 06-002-0135-0002, 06-002-0135-0003, 06-002-0135-0004 և 06-002-0135-0005 ծածկագրերով, արդյունաբերության, ընդերքօգտագործման և այլ արտադրական օբյեկտների նպատակային նշանակության արդյունաբերական օբյեկտների գործառնական նշանակության 0.49712 հեկտար մակերեսով հողամասին և հողամասում առկա շինությանը տրամադրել Հայաստանի Հանրապետության Լոռու մարզի Ալավերդի համայնքի քաղաք Ալավերդի, Դեբեդ թաղամաս, 11 փոստային հասցեն։

7. Հողամասի սահմանները, գծային չափերը և մակերեսը որոշվում են համայնքի ղեկավարի կողմից հաստատված և որակավորում ունեցող անձի կողմից տրված հատակագծով:

8.Անշարժ գույքի զբաղեցրած հողամասը չի գտնվում չի գտնվում Հայաստանի Հանրապետության Հողային օրենսգրքի 60-րդ հոդվածով սահմանված հողամասերի ցանկում:

9.Սույն որոշումից ծագող իրավունքները ենթակա են պետական գրանցման:

10.Սույն որոշումն ուժի մեջ է մտնում հրապարակման պահից: