Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի, 16) ենթակետով, 43-րդ հոդվածով, Հայաստանի Հանրապետության հողային օրենսգրքի 59-րդ, 60-րդ հոդվածներով, 66-րդ հոդվածի 1-ին մասի 8-րդ կետով, ՀՀ կառավարության 2016 թվականի մայիսի 26-ի N 550-Ն որոշման 1-ին կետի 3-րդ ենթակետով, Հայաստանի Հանրապետության կառավարության 12.04.2001թ. N 286 որոշման կարգի 6-րդ կետով, հաշվի առնելով, որ քննարկվող հողամասի ուրվագծային չափերն ու դիրքը թույլ չեն տալիս այն դարձնել առանձին հրապարակային սակարկությունների առարկա,  հաշվի առնելով, որ  քննարկվող հողամասի ուրվագծային չափերն ու դիրքը թույլ չեն տալիս, այն դարձնել առանձին հրապարակային սակարկությունների  առարկա, հիմք ընդունելով Արմեն Արշակի Խալաթյանի դիմումը, սեփականության իրավունքի N 30052025-06-0061 և  07082025-06-0007 վկայականները, համայնքային սեփականության N 18082025-06-0011 վկայականը․

 որոշում եմ՝

1. Արմեն Արշակի Խալաթյանին սեփականության իրավունքով պատկանող՝ համայնք Ալավերդի, քաղաք Ալավերդի, Թումանյան փողոց 75 հասցեում գտնվող, կադաստրային 06-002-0037-0031 ծածկագրով, բնակավայրերի նպատակային նշանակության, հասարակական կառուցապատման գործառնական նշանակության 0․031 հա մակերեսով հողամասն ընդլայնելու նպատակով օտարել՝ համայնք Ալավերդի, քաղաք Ալավերդի, Թումանյան փողոց 75/10 հասցեում գտնվող, կադաստրային 06-002-0037-0027 ծածկագրով, հասարակական կառուցապատման գործառնական նշանակության 0.009767 հա մակերեսով համայնքային սեփականության հողամասը՝ 570 000 (հինգ հարյուր յոթանասուն հազար) ՀՀ դրամ արժեքով։

2․Ընդլայնվող հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում:

3. Նշված անշարժ գույքի օտարման պայմանագիրը ենթակա է նոտարական վավերացման, իսկ պայմանագրից ծագող իրավունքները ենթակա են պետական գրանցման:

4. Սույն որոշումն ուժի մեջ է մտնում հրապարակման օրվանից: