Ղեկավարվելով «Տեղական ինքնակառավարման մասին» Հայաստանի Հանրապետության օրենքի 14-րդ հոդվածի 6-րդ մասով, հիմք ընդունելով Ալավերդի համայնքի ղեկավարի 2019 թվականի փետրվարի 22-ի N 53-Ա որոշումը` համայնքի ավագանին ո ր ո շ ու մ է. Հաստատել Ալավերդի համայնքի ավագանու 2019 թվականի փետրվարի 28-ի հերթական նիստի օրակարգը` 1. Ալավերդի համայնքի 2018 թվականի բյուջեի կատարման տարեկան և Ալավերդի համայնքի հնգամյա զարգացման ծրագրով նախատեսված և 2018 թվականին իրականացված աշխատանքների վերաբերյալ հաշվետվությունները հաստատելու մասին: (Զեկ. Ս. Խեչումյան) 2. Ալավերդի համայնքի ավագանու 2018 թվականի դեկտեմբերի 17-ի N 89-Ն որոշմամբ հաստատված Ալավերդի համայնքի 2019 թվականի բյուջեի մեջ փոփոխություններ կատարելու մասին: (Զեկ. Ս. Խեչումյան) 3. Հայաստանի Հանրապետության Լոռու մարզի Ալավերդի համայնքի 2019 թվականի տարեկան աշխատանքային պլանի մասին: (Զեկ. Ս. Խեչումյան) 4. Հայաստանի Հանրապետության Ալավերդու համայնքային սեփականություն համարվող հողամասերն աճուրդ-վաճառքի միջոցով օտարելու թույլտվություն տալու մասին: (Զեկ. Ս. Խեչումյան) 5. Հայաստանի Հանրապետության Ալավերդու համայնքային սեփականություն հանդիսացող, Կաճաճկուտ գյուղի վարչական տարածքում գտնվող (02-054-0113-0001 ծածկագրից առանձնացված) գյուղատնտեսական նշանակության այգու նկատմամբ վարձակալության իրավունքի մրցույթ կայացնելու թույլտվություն տալու մասին: (Զեկ. Ս. Խեչումյան) 6. Ալավերդի համայնքի ավագանու 30.08.2018թ. «Ալավերդի համայնքի տարածքում 2019 թվականի համար տեղական տուրքերի և վճարների դրույքաչափերը սահմանելու մասին» N 57-Ն որոշման մեջ լրացում կատարելու մասին: (Զեկ. Ս. Խեչումյան) 7. Ալավերդի համայնքի ավագանու 25.12.2018թ. «Ալավերդի քաղաքի Սանահին կայարան թաղամասի 2/2 հասցեում գտնվող հանգստյան տան շենքից որպես հանրակացարան տարածքներ անհատույց օգտագործման և սեփականության իրավունքով տարածք տրամադրելու մասին» N 96-Ա որոշման մեջ փոփոխություն կատարելու մասին: (Զեկ. Ս. Խեչումյան) 8. Հայաստանի Հանրապետության Լոռու մարզի Ալավերդի համայնքի սոցիալապես անապահով ընտանիքներին սոցիալական օգնություն հատկացնելու մասին: (Զեկ. Ս. Խեչումյան) |