Զեկ. ՇՈՂԻԿ ՔԱՌՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 21-րդ կետով, հիմք ընդունելով գույքի նկատմամբ սեփականության իրավունքի N 2651559 վկայականը, «ՄԱՐ-ՄՈՍ» ՍՊ ընկերության կողմից 07.05.2025թ. կազմված գնահատման հաշվետվությունը /հաշվառման ծրագրում մուտքագրման ծածկագիր՝ 2025TSZNPGDE/ և համայնքի ղեկավարի առաջարկությունը`

համայնքի ավագանին որոշում է.

1. Թույլատրել բաց (դասական) աճուրդային եղանակով օտարելու Ալավերդի համայնքին պատկանող՝ Ալավերդի համայնքի Ախթալա քաղաքի Աբովյան փողոց, 17 հասցեում գտնվող, 292.3 քմ ներքին մակերեսով հասարակական նշանակության վարչական շենքը և դրա սպասարկման ու պահպանման համար զբաղեցրած 0.0137 հա մակերեսով հողամասը 4 435 000 (չորս միլիոն չորս հարյուր երեսունհինգ հազար) ՀՀ դրամ մեկնարկային գնով:
2. Աճուրդի մասնակցության վճարը սահմանված է 15000 դրամ, նախավճարի չափը մեկնարկային գնի 50 տոկոսի չափով և քայլի չափը՝ մեկնարկային գնի 5 %-ի չափով:
3. Հանձնարարել համայնքապետարանի աճուրդային հանձնաժողովին.
3.1 Վերը նշված գույքի աճուրդային եղանակով օտարումը կազմակերպել սահմանված կարգով:
3.2 Վճարումը կատարել ՀՀ արժույթով:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: