Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 21-րդ կետի դրույթներով, Հայաստանի Հանրապետության հողային օրենսգրքի 48-րդ հոդվածի 3-րդ մասով, 63-րդ հոդվածի 2-րդ մասով, 66-րդ հոդվածի 1-ին կետի 4) մասով, Հայաստանի Հանրապետության քաղաքացիական օրենսգրքի 612-րդ հոդվածով, 624-րդ հոդվածի 2-րդ կետով և 466-րդ հոդվածի 1-ին կետով, «Նորմատիվ իրավական ակտերի մասին» Հայաստանի Հանրապետության օրենքի 23-րդ հոդվածի 5-րդ մասով, Ալավերդի համայնքի գլխավոր հատակագծին համապատասխան և հիմք ընդունելով «ԼԻԼՈՒՍ» սահմանափակ պատասխանատվությամբ ընկերության կողմից լիազորված անձ՝ Սոֆյա Սեյրանի Միքայելյանի դիմումը, վարձակալության իրավունքի N 1324335 վկայականը, 08.04.2004թ. կնքված հողամասի վարձակալության պայմանագիրը, համայնքի ղեկավարի առաջարկությունը`

համայնքի ավագանին որոշում է.

1. Տալ համաձայնություն լուծելու «ՄՀԵՐ-ԼԻԼՈՒՍ» սահմանափակ պատասխանատվությամբ ընկերությանը վարձակալության իրավունքով պատկանող՝ համայնք Ալավերդի, Ալավերդի քաղաքի Սանահին Սարահարթ թաղամասում գտնվող, կադաստրային քարտեզի 06-002-0150-0000 ծածկագրից առանձնացվող, բնակավայրերի նպատակային նշանակության հասարակական կառուցապատման գործառնական նշանակության 0.0009 հա մակերեսով հողամասի օգտագործման իրավունքի պայմանագիրը:
2. Համայնքային սեփականություն հանդիսացող, համայնք Ալավերդի, Ալավերդի քաղաքի կադաստրային քարտեզի 06-002-0150-0000 ծածկագրից առանձնացվող, կրպակով ծանրաբեռնված բնակավայրերի նպատակային նշանակության հասարակական կառուցապատման գործառնական նշանակության 0.0009 հա մակերեսով հողամասը գնման նախապատվության իրավունքով, 7128 /յոթ հազար հարյուր քսանութ/ ՀՀ դրամ կադաստրային արժեքով, ուղղակի վաճառքի միջոցով, օտարել կրպակի սեփականատեր հանդիսացող՝ «ԼԻԼՈՒՍ» սահմանափակ պատասխանատվությամբ ընկերությանը (նախկին՝ «ՄՀԵՐ-ԼԻԼՈՒՍ» սահմանափակ պատասխանատվությամբ ընկերություն):
3. Հողամասը չի գտնվում  Հայաստանի Հանրապետության  Հողային օրենսգրքի 60-րդ հոդվածով սահմանված հողամասերի ցանկում, այդ թվում`  ինժեներատրանսպորտային օբյեկտների օտարման գոտիներում և սպասարկման համար նախատեսված տարածքներում,  հնագիտական, պատմամշակութային հուշարձանների պահպանության գոտիներում,  բնապահպանական արժեք ներկայացնող հողամասերում, չեն  հակասում քաղաքաշինական նորմերին և կանոններին, չի առաջացնում  հարկադիր  սերվիտուտ  պահանջելու  իրավունք:
5. Առաջարկել Ալավերդի համայնքի ղեկավարին՝ «ԼԻԼՈՒՍ» սահմանափակ պատասխանատվությամբ ընկերության հետ կնքել հողամասի առք ու վաճառքի պայմանագիր:
6. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: