Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածով, «Տեղական ինքնակառավարման մասին» Հայաստանի Հանրապետության օրենքի 42-րդ հոդվածով, Հայաստանի Հանրապետության կառավարության 18.05.2006թ. N 912-Ն որոշման 8-13-րդ կետերով, Հայաստանի Հանրապետության կառավարության 29.12.2005թ. թիվ 2387-Ն որոշումով, ՀՀ կադաստրի կոմիտեի ղեկավարի 2021 թվականի մայիսի 10-ի «Անշարժ գույքի հասցեավորման հայտի ձևը սահմանելու մասին» N 104-Լ հրամանով, հիմք ընդունելով Սարո Վասիլի Մաթևոսյանի դիմումը, անձնագրերի պատճենները, սեփականության իրավունքի N 816653 վկայականը, «ՏՍ-ՌԻԵԼԹԻ» սահմանափակ պատասխանատվությամբ ընկերության կողմից տրված կադաստրի կոմիտեում ինքնակամ կառույցի հաշվառման տեղեկանքն ու կազմված հողամասի և շինության հատակագծերը, մասնագիտական եզրակացությունը, Հաղպատ բնակավայրերի վարչական ղեկավարի կողմից 01.10.2024թ. տրված N 7250 տեղեկանքը, «ՔԾՓԿ» ԲԲ ընկերության կողմից  09.10.2024թ. տրված N 15/285 դրական եզրակացությունը՝ որոշում եմ․

1.Օրինականացնել Ալավերդի համայնքի Հաղպատ գյուղի վարչական տարածքում գտնվող, 06-060-0014-0010 կադաստրային ծածկագրով, Սարո Վասիլի Մաթևոսյանին, Անուշ Վասիլի Մաթևոսյանին, Անահիտ Սեդրակի Սախակյանին, Գայանե Վասիլի Մաթևոսյանին ընդհանուր համատեղ սեփականության իրավունքով պատկանող, բնակավայրերի նպատակային նշանակության, բնակելի կառուցապատման գործառնական նշանակության 0.04997 հա մակերեսով հողամասում, 2010թ. ինքնակամ կառուցված, կադաստրի կոմիտեում 20239SAF7Q ծածկագրով հաշվառված, 191.5 քմ արտաքին մակերեսով (173.3 քմ ներքին մակերեսով) բնակելի տան մասը։

2. Ինքնակամ կառուցված շինությունները չեն խախտում այլ անձանց իրավունքները և օրենքով պահպանվող շահերը և վտանգ չեն սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք:

3.Ալավերդի համայնքի Հաղպատ գյուղի վարչական տարածքում գտնվող, 06-060-0014-0010 կադաստրային ծածկագրով, 0.04997 հեկտար մակերեսով հողամասին և հողամասում գտնվող անշարժ գույքերին տրամադրել համայնք Ալավերդի, գյուղ Հաղպատ, 1-ին փողոց, 13 փոստային հասցեն:

4.Օրինականացված բնակելի տան մասի համար սահմանված 142285 (հարյուր քառասուներկու հազար երկու հարյուր ութսունհինգ) ՀՀ դրամ արժեքով վճարը 60-օրյա ժամկետում չվճարելու դեպքում որոշումը համարվում է ուժը կորցրած:

5.Նշված իրավունքն ենթակա է պետական գրանցման:

6.Սույն որոշումն ուժի մեջ է մտնում հրապարակման պահից: