Ղեկավարվելով «Տեղական ինքնակառավարման մասին» ՀՀ օրենքի 13-րդ հոդվածի 10-րդ մասի,  18-րդ հոդվածի 1-ին մասի 42-րդ կետով և հիմք ընդունելով «Գույքի  գնահատման և աճուրդի կենտրոն» ՊՈԱԿ-ի կողմից տրված գնահատման հաշվետվությունը,  քաղաքացի Ռազմիկ Լևոնի Կիրակոսյանի կողմից տրված համաձայնությունը և Ալավերդի համայնքի ղեկավարի առաջարկությունը՝ համայնքի ավագանին որոշում է 

1. Համաձայնություն տալ համայնքի ղեկավարի առաջարկությանը՝ ՀՀ Լոռու մարզի Ալավերդի համայնքի կարիքների համար օգտագործելու նպատակով մեկ անձից գնման ձևով ձեռք բերել ՀՀ, Լոռու մարզ, Ալավերդի համայնք, Ալավերդի քաղաք, Սայաթ Նովա փողոց 2/38 հասցեում գտնվող, 06-002-0034-0001-007-035 կադաստրային ծածկագրով, 269․1 քմ մակերեսով, թիվ 25032021-06-0044 սեփականության վկայականով անշարժ գույքը (խանութ)։
2. Սույն որոշման 1-ին կետում նշված անշարժ գույքի ձեռք բերման համար Ալավերդի համայնքի բյուջեից հատկացնել 37606725 (երեսունյոթ միլիոն վեց հարյուր վեց հազար յոթ հարյուր քսանհինգ) Հայաստանի Հանրապետության դրամ:
3. Հանձնարարել Ալավերդու համայնքապետարանի աշխատակազմի ֆինանսատնտեսագիտական և գնումների բաժնի պետին՝ կատարել սույն որոշման 2-րդ կետում նշված գումարի հատկացումը:
4. Հանձնարարել Ալավերդի համայնքի ղեկավարին՝ օրենքով սահմանված կարգով կազմակերպել գույքի գնման, նոտարական պայմանագրի կնքման գործառույթները։
5. Սույն որոշումն ուժի մեջ է մտնում ստորագրման պահից։