Ղեկավարվելով «Տեղական ինքնակառավարման մասին» ՀայաստանիՀանրապետության օրենքի 18-րդ հոդվածի 1-ին մասի 42-րդ կետով  և հիմք ընդունելով այն հանգամանքը, որ«ՏՏՎ Քոնսալթինգ» ՍՊԸ-ի  և  Ալավերդի  համայնքի միջև 11.05.2021թ-ին կնքված «Ռեկուլտիվացիոն աշխատանքների կատարման» պայմանագրում արտացոլված չէ Պայմանագրի կնքմանը նախորդած գրավոր բանակցություններում Ընկերության ստանձնած բացարձակապես որևէ պարտավորություն, Պայմանագրի կնքման օրվանից մինչ օրս «ՏՏՎ Քոնսալթինգ» ՍՊԸ իրականացրել է բացառապես սեփական տնտեսական շահով պայմանավորված գործունեություն, հաշվի առնելով Ալավերդի համայնքի շահը՝ 

համայնքի ավագանին որոշում է.

1․ Տալ համաձայնություն  «ՏՏՎ Քոնսալթինգ» ՍՊԸ-ի  և  Ալավերդի  համայնքի միջև 11.05.2021թ-ին կնքված «Ռեկուլտիվացիոն աշխատանքների կատարման»  և 07․05․2022թ-ին կնքված «Անշարժ գույքի վարձակալության» պայմանագրերի լուծմանը։
2․ Ալավերդի համայնքի ղեկավարին՝  օրենքով սահմանված կարգով կազմակերպել վերոնշյալ պայմանագրերի լուծման գործընթացը։
3․ Սույն որոշումն ուժի մեջ է  մտնում ստորագրման պահից։