Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, «Շրջակա միջավայրի վրա ազդեցության գնահատման ևփորձաքննության մասին» օրենքի 16-րդ հոդվածի 3-րդ մասի ՝

համայնքի ավագանին որոշում է․

1․ Տալ նախնական համաձայնություն «Արմենիան Քափըր Փրոգրամ» ՓԲ ընկերության կողմից սեփականության իրավունքով իրեն պատկանող՝ Հայաստանի Հանրապե­տու­թյուն, Լոռու մարզ, համայնք Ալավերդի, քաղաք Ալավերդի, Սպան­դար­յան փողոց (նախկին՝ Կիրովի փողոց) 4 հասցեով գտնվող՝ «Արմենիան Քափըր Փրոգրամ» ՓԲԸ Ալավերդու պղնձաձուլական գործա­րանի ար­տա­դրա­կան տարածքում ու դրա հենքի վրա հետևյալ տեսակներով նախատեսվող արտադրական գործունեության իրականացման համար՝
1)  Պղնձակիր հումքի (այդ թվում՝ պղինձ պարունակող հին լցակույտերի լեռ­նային զանգվածների, պղինձ պարունակող ապարների և /կամ առաջ­նա­յին հան­քաքարի, պղինձ պարունակող հումքի մետալուրգիական վերամշակ­ման արդ­յունքում գոյացած խարամի) վերամշակում ֆլոտացիոն եղանակով՝ տարե­կան մինչև 100 հազար տոննա արտադրողականությամբ.
2)  Պղնձակիր հումքի (այդ թվում՝ պղնձի խտանյութերի, պղնձի հանքա­քա­րի, պղինձ պարունակող հումքի մետալուրգիական վերամշակման արդյուն­քում գո­յա­ցած խարամի) տարրալվացում APL (Atmospheric Polymineral Leaching) տեխ­նո­լոգիայով, տարեկան 2.000 տոննա պղնձի հաշվարկով (ար­տա­դրո­ղա­կա­նությամբ).
3)  Տարեկան 2.000 տոննա պղնձի հաշվարկով (արտադրողականությամբ) կատոդային պղնձի արտադրություն SX-EW (Solvent Extraction-Electrowinning) տեխնոլոգիայով.
4)   Տարեկան 2.000 տոննա պղնձի հաշվարկով (արտադրողականությամբ) պղնձի փոշու արտադրություն ցեմենտացիոն մեթոդով.
5)  Պղնձե գլոցուկի արտադրություն` տարեկան 1.000 տոննա, 8մմ և (կամ) 13մմ տրամաչափով գլոցուկների թողարկման արտադրողականությամբ․
6)  Պղնձե խողովակների արտադրություն` տարեկան 1.000 տոննա ար­տա­դրողականությամբ.
7)  Պղնձե փայլաթիթեղի արտադրություն` 9-100 միկրոմետր հաստու­թյամբ և տարեկան 200 տոննա արտադրողականությամբ.
8)  Պղնձարջասպի արտադրություն՝ պղնձի ջարդոնի կամ պղնձի սուլ­ֆա­տի լուծույթի խածատմամբ.
9)  Ցեմենտացիոն պղնձի լուծույթներից երկաթարջասպի արտադրություն` տարեկան մինչև 10.000 տոննա արտադրողականությամբ.
10) Գունավոր մետաղների համաձուլվածքների արտադրություն.
11)  Մետաղափոշիների հիմքով ներկերի արտադրություն.
12)  Ցածր ջերմաստիճանային զոդանյութերի արտադրություն։
2․ Սույն որոշումն ուժի մեջ է մտնում ստորագրման պահից։