Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի առաջին մասի 16-րդ և 24-րդ կետերով, 42-րդ հոդվածով, «Հրապարակային սակարկությունների մասին» Հայաստանի Հանրապետության օրենքի չորրորդ հոդվածով, 25-րդ հոդվածով, Հայաստանի Հանրապետության «Հողային օրենսգրքի» 76-րդ, 80-րդ, 81-րդ և 94-րդ հոդվածներով, Հայաստանի Հանրապետության «Քաղաքացիական օրենսգրքի» 463-րդ հոդվածով, Հայաստանի Հանրապետության կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշմամբ, հիմք ընդունելով 2025 թվականի օգոստոսի 11-ին, ժամը՝ 15:00-ին Հայաստանի Հանրապետության Լոռու մարզի Ալավերդու համայնքապետարանում տեղի ունեցած մրցույթի արդյունքների մասին թիվ 1 արձանագրությունը՝
ո ր ո շ ու մ ե մ.
1. Հայաստանի Հանրապետության Լոռու մարզի Ալավերդի համայնքի Մեծ Այրում գյուղի կադաստրային քարտեզի 06-073-0251-0007 ծածկագրով գյուղատնտեսական նպատակային նշանակության վարելահող հողատեսքի 0.53046 հեկտար մակերեսով հողամասը, գյուղատնտեսական գործունեություն իրականացնելու նպատակով, վարձակալության իրավունքով, 5 (հինգ) տարի ժամկետով, տարեկան 16 000 (տասնվեց հազար) ՀՀ դրամ վարձավճարով տրամադրել 2025 թվականի օգոստոսի 11-ին Ալավերդու համայնքապետարանում կայացած մրցույթի հաղթող Սմբատ Սպարտակի Աղաբեկյանին:
2. Հողամասը չի գտնվում Հայաստանի Հանրապետության «Հողային օրենսգրքի» 60-րդ հոդվածով սահմանված հողամասերի ցանկում, այդ թվում` ինժեներատրանսպորտային օբյեկտների (ավտոճանապարհներ, երկաթգծեր, էլեկտրահաղորդակցության, ջրամատակարարման, ջրահեռացման, կապիցանցեր, գազատարներ, ջրանցքներ) օտարման գոտիներում և սպասարկման համար նախատեսված տարածքներում, հնագիտական, պատմամշակութային հուշարձանների պահպանության գոտիներում, բնապահպանական արժեք ներկայացնող հողամասերում, չի հակասում քաղաքաշինական նորմերին և կանոններին, չի առաջացնում հարկադիր սերվիտուտ պահանջելու իրավունք, ինչպես նաև հողամասի վարձակալության իրավունքով տրամադրման դեպքում չեն սահմանափակվում այլ անձանց իրավունքները և չեն խախտվում այլ անձանց օրենքով պաշտպանվող շահերը, չեն խոչընդոտում այլ հողամասերի նպատակային կամ գործառնական նշանակությամբ օգտագործմանը:
3. Սույն որոշումն ուժի մեջ է մտնում հրապարակման օրվանից: