Ամառային եղանակի հետ կապված՝ ջերմաստիճանի կտրուկ բարձրացումները և այդ ընթացքում չբացառվող , առանց տեղումների որոշակի ժամանակահատվածները, որը բնորոշվում է որպես հրդեհավտանգ ժամանակաշրջան, կարող են նպաստել հրդեհների առաջացմանը, մեծացնել տարածման վտանգը , աղետալի վնաս հասցնել բնությանը, շրջակա միջավայրին ու շենք-շինություններին :
Նման իրավիճակներից խուսափելու նպատակով խնդրվում է անտառային տարածքներում, այգիներում, խոտհարքներում (առավել ևս՝ խոտհնձի ակտիվ շրջանում, երբ առկա են լինելու հնձված, չորացվող և չոր խոտի մեծ ծավալներ), տնամերձ հողամասերում աշխատանքներ իրականացնելիս խստորեն պահպանել
հակահրդեհային անվտանգության կանոնները,
ցուցաբերել առավել զգուշավորություն,
զերծ մնալ կրակ վառելուց,
ծխախոտի մնացորդներ նետելուց ,
դյուրավառ նյութերի օգտագործումից:
Խնդրվում է, անտառային և բուսածածկ այլ տարածքներում հրդեհի օջախներ նկատելու դեպքում անմիջապես տեղեկացնել ՀՀ ԱԻՆ ՓԾ Լոռու մարզային փրկարարական վարչության (911 ) ծառայությանը: