Հարգելի բնակիչներ․
Նախատոնական կամ տոնական օրերին՝ տարաբնույթ միջոցառումների ընթացքում, հաճախակի են կիրառվում հրագործական արտադրատեսակներ։ <<Տեխնիկական անվտանգության ապահովման պետական կարգավորման մասին>> օրենքի 4-րդ հոդվածի համաձայն կենցաղային նշանակության հրագործական III դասի և տեխնիկական նշանակության հրագործական արտադրատեսակների ներմուծումը և կիրառումը թույլատրվում են միայն լիազոր մարմնի կողմից բացառապես պետական և համայնքային նշանակության կամ պետական և համայնքային մասնակցությամբ միջոցառումների համար։ Այս առումով, ՀՀ կառավարության 2024 թվականի մայիսի 8-ի թիվ 680-Ն որոշմամբ սահմանվել է կենցաղային և տեխնիկական նշանակության հրագործական արտադրատեսակների չափորոշիչները, դասակարգումները, ինչպես նաև տեխնիկական անվտանգության ոլորտում տեխնիկական անվտանգության նորմերը, կանոնները և հրահանգները։
Հորդորում ենք՝ միջոցառումներ կազմակերպելիս, լիցենզավորված կազմակերպությունների կողմից հրագործական արտադրատեսակների կիրառումը նախատեսել բացառապես ՀՀ ներքին գործերի նախարարության հաշվառման-քննական ծառայությունների մատուցման, թույլտվության և լիցենզավորման վարչության կողմից տրամադրվող թույլտվության առկայությամբ։