Հայաստանի Հանրապետության էկոնոմիկայի նախարարությունը Վերակառուցման և զարգացման եվրոպական բանկի Հայաստանի ներդրումային խորհրդի հետ համատեղ նախաձեռնել է գյուղատնտեսական ապրանքների լոգիստիկ կենտրոնների (մթերման և բաշխման կենտրոններ) ձևավորման ռազմավարական փաստաթղթի մշակման աշխատանքը։
Նշված աշխատանքի շրջանակներում 2023 թվականի փետրվար-ապրիլ ամիսների ընթացքում նախատեսվում են այցելություններ համապատասխան համայնքներ, հարցազրույցներ և մասնագիտական քննարկումներ տարբեր բնակավայրերում գործող ֆերմերային տնտեսությունների և գյուղատնտեսության ոլորտում ներգրավված կազմակերպությունների ներկայացուցիչների հետ։
Վերոնշյալ աշխատանքներին համագործակցելու նպատակով, կից տրամադրվում է Հայաստանի ներդրումային խորհրդի կողմից պատրաստված հարցաթերթը՝ առաջնային գյուղատնտեսական արտադրանքի գնորդների համար (շուկա, մթերային խանութ, կրթական հաստատություն, հյուրանոց, ռեստորան և այլն), որը խնդրվում է (էլեկտրոնային տարբերակով)՝ լրացնել և լրացված տարբերակն անմիջապես ուղարկել Հայաստանի ներդրումային խորհրդին (տրված էլ. փոստի հասցեին)։