Ալավերդու համայնքի հարգելի՛ ակտիվ երիտասարդներ՝ ՔՀԿ ներկայացուցիչներ, ուսուցիչներ, սոցիալական աշխատողներ
Տեղեկացնում ենք ձեզ, որ «ՄԵՆՔ» Լոռու մարզի երիտասարդական ՀԿ-ն սկսում է նոր ծրագիր՝ «Կապը համայնքի հետ. տեղահանված քաղաքացիների հզորացումը և տեղական ինքնակառավարումը» խորագրով, որի նպատակն է բարձրացնել Լեռնային Ղարաբաղից տեղահանված (փախստական) քաղաքացիների իրազեկվածությունը տեղական ինքնակառավարման ոլորտում։ Ծրագրի շրջանակներում նախատեսվում է ներգրավել համայնքային համախմբողների տարբեր մարզերից, ովքեր հետագայում կիրականացնեն իրազեկման հանդիպումներ ԼՂ-ից տեղահանված քաղաքացիների համար։ Վերապատրաստմանը կարող են մասնակցել երիտասարդական աշխատողներ, ուսուցիչներ, ավագանու անդամներ և տեղական ինքնակառավարման մարմինների աշխատակազմի ներկայացուցիչներ։
Ընտրված թեկնածուները կմասնակցեն վերապատրաստմանը և հետագայում համայնք տեղափոխված տեղահանված քաղաքացիների հետ կկազմակերպեն իրազեկման հանդիպումներ։ Համայնքում հետագա իրազեկման հանդիպումներն արդյունավետ կազմակերպելու դեպքում համայնքային համախմբողները կստանան խրախուսական փոքր հոնորար։ Վստահ ենք, որ այս ծրագիրն օգտակար և արդյունավետ կլինի մեր համայնքի համար՝ նպաստելով ԼՂ-ից տեղահանված անձանց ներուժի բացահայտմանն ու համայնքի զարգացմանը նրանց ինտեգրմանը:
Վերապատրաստման եռօրյա դասընթացը տեղի կունենա հուլիսի 26-28-ին, Լոռու մարզի Դսեղ գյուղում գտնվող ՏՈւԿ - Տուրիզմի Ուրույն Կենտրոն ճամբարային բազայում։
Ծրագրին մասնակցելու համար անհրաժեշտ է լրացնել մասնակցության հայտը` https://docs.google.com/.../1FAIpQLSdGRjbwPDadaP.../viewform
Հայտերն ընդունվում են մինչև հուլիսի 20-ը, ժամը 23:59:
Ծրագրի տեղեկատվական նյութը կցված է: