Հարգելի՛ այցելու,

   Այս կայքէջը հնարավորություն է տալիս ծանոթանալ համայնքում կատարվող աշխատանքներին, իրադարձություններին, զարգացման ծրագրերին, համայնքի պատմությանը, ինչպես նաև կատարել որոշակի գործառույթներ՝ առանց համայնքապետարան այցելելու։

Հույս եմ հայտնում, որ կայքէջում կավելանա բնակիչների ակտիվությունը, կհնչեն առաջարկներ, որոնք հաստատապես կնպաստեն ՏԻՄ-հասարակություն շղթայի ամրապնդմանն ու համայնքի զարգացմանը։

Հարգանքով՝ Ալավերդի համայնքի ղեկավար

Դավիթ ՂՈՒՄԱՇՅԱՆ

Ավագ սերնդի սիրելի ներկայացուցիչներ,
Սրտանց շնորհավորում եմ ձեզ Տարեցների միջազգային օրվա առթիվ։
Ձեր սերունդը մեր քաղաքի ու համայնքի հենասյունն է․ դուք եք սերունդներին փոխանցում հողին ու հայրենիքին նվիրվածության, աշխատասիրության և հայրենասիրության լավագույն օրինակները։ Ձեր խորհուրդներն ու կյանքի փորձը անփոխարինելի են մեզ համար։ Համայնքապետարանը միշտ ձեր կողքին է և ամեն ջանք գործադրում է, որպեսզի դուք ապրեք խաղաղ, ապահով ու արժանապատիվ կյանքով։
Մաղթում եմ ձեզ առողջություն, երջանկություն և ընտանիքի ջերմությամբ լի երկար տարիներ։

Հարգանքով՝ Դավիթ Ղումաշյան Ալավերդի համայնքի ղեկավար

Ալավերդի համայնքի ղեկավար Դավիթ Ղումաշյանն ու համայնքի պաշտոնյաները ծաղիկներ խոնարհեցին խաչքարին՝ հավերժացնելու հայրենիքի համար նահատակված հերոսների անմահ հիշատակը։ Նրանք ընկան, որ մենք ապրենք խաղաղ ու ազատ։ Հավերժ փառք մեր հերոսներին, կեցցե Հայաստանի Հանրապետությունը, որ պիտի ապրի երջանիկ ու անսասան։

ՀՀ Անկախության տոնը Ալավերդիում նշվեց մեծ հանդիսավորությամբ։ Համայնքի ղեկավար Դավիթ Ղումաշյանն ու համայնքապետարանի պաշտոնյաները ծաղիկներ խոնարհեցին հայրենիքի համար հերոսացած տղաների շիրիմներին և հերոսների հիշատակը հավերժացնող խաչքարին։ Այնուհետև մեկնարկեց տոնական երթը՝ ի նշան միասնության և համերաշխության։

«Հայաստանը ես եմ» խորագիրը կրող միջոցառումների շարքը շարունակվեց Ալավերդու մշակույթի կենտրոնի դահլիճում, որտեղ շնորհավորական խոսքով հանդես եկավ համայնքի ղեկավար Դավիթ Ղումաշյանը, ապա ելույթ ունեցան Ալավերդու ստեղծագործական խմբերը։ Սուրբ Գրիգոր Նարեկացի եկեղեցու մերձակա հրապարակում միասնության շորջպարով ամփոփվեց տոնական օրը։