Գարնան- գյուղատնտեսական նախապատրաստական աշխատանքների իրականացման ընթացքում, համայնքի ազգաբնակչության կողմից իրենց պատկանող հողամասերի չոր խոտածածկի, առավել ևս այգիների բուսական մնացորդների հրկիզման արդյունքում, շատ հաճախ կրակը դուրս է մնում
վերահսկողությունից, տարածվում շրջակայքում , վեր ածվում հրդեհի, մուտք գործում անտառածածկ, բուսածածկ և հատուկ պահպանվող այլ տարածքներ՝ մեծ վնաս պատճառելով
շրջակա միջավայրին, այդ թվում նաև անտառային և բնության հատուկ պահպանվող տարածքներին:
Նման իրավիճակներից խուսափելու, ինչպես նաև հրդեհների անցանկալի հետևանքները բացառելու նպատակով խնդրում ենք՝ անտառային տարածքներում, խոտհարքներում , արոտավայրերում, տնամերձ հողամասերում , այգիներում աշխատանքներ իրականացնելիս
խստորեն պահպանել հակահրդեհային անվտանգության կանոնները,
ցուցաբերել առավել զգուշավորություն
զերծ մնալ այրման միջոցով տարածքների մաքրման աշխատանքներ իրականացնելուց:
Տեղեկացնում ենք նաև, որ համաձայն «Մթնոլորտային օդի պահպանության մասին» ՀՀ օրենքի 21-րդ հոդվածի պահանջների, արգելվում է այրել խոզանները, բուսական մնացորդներով և չորացած բուսականությամբ տարածքները, վարելահողերի, արոտավայրերի ու խոտհարքների բուսականությունը գյուղատնտեսական, անտառամերձ, անտառային ու բնության հատուկ պահպանվող տարածքների հողերում, իսկ այրելու դեպքում մեղավորները «Վարչական
իրավախախտումների վերաբերյալ» ՀՀ օրեսգրքի 85.2 հոդվածով կենթարկվեն վարչականպատասխանատվության:
Անտառային և բուսածածկ այլ տարածքներում հրդեհի օջախներ նկատելու դեպքում անմիջապես տեղեկացնել ՀՀ ԱԻՆ ՓԾ Լոռու մարզային փրկարարական վարչության (911 ) ծառայությանը։