ՀՀ կառավարության 2023 թվականի օգոստոսի 24-ի N 1450-Լ որոշման հավելված 2-ի 1-ին միջոցառման` «Ներդրումների աջակցման կենտրոն» հիմնադրամի (այսուհետ` Հիմնադրամ) և ՀՀ Էկոնոմիկայի նախարարության հետ համատեղ մշակվել է Հայաստանում դամասկոսյան վարդի յուղի արտադրության արժեշղթա: Դամասկոսյան վարդի յուղի արտադրության ուսումնասիրությունը նպատակ ունի զարգացնելու գյուղատնտեսական և արտադրական ոլորտները՝ ստեղծելով համապարփակ արժեշղթա (այսուհետ` Արժեշղթա), որը կներառի վարդի մշակություն, վերամշակում, եթերայուղի արտադրություն, տնտեսվարող սուբյեկտների կարողությունների զարգացում և արտադրանքի արտահանում։ Արժեշղթան, չդասվելով որպես դասական ներդրումային ծրագիր, ուղղված է վերոնշյալ ոլորտների խթանմանը՝ խորը տնտեսական մուլտիպլիկատիվ ազդեցությամբ, մասնավորապես.

• գյուղացիական տնտեսությունների համար նոր զբաղվածության հնարավորությունների ստեղծում,
• չօգտագործվող հողատարածքների ներգրավում շրջանառության մեջ,
• ոլորտային մասնագիտական ուսուցման իրականացում,
• արտադրական հզորությունների՝ գործարանների հիմնում և աշխատուժի ներգրավում,
• համայնքների տնտեսական ակտիվության բարձրացում և գյուղացիական տնտեսությունների եկամտի աճ:

Արժեշղթան գտնվում է նախագծման փուլում, և այս պահին առաջնահերթ է հստակեցնել համապատասխան հողատարածքները, որտեղ շահառուները կարող են սկսել իրենց գործունեությունը:

Հաշվի առնելով վերոգրյալը, խնդրում ենք արժեշղթայի արդյունավետ և ժամանակին մեկնարկն ապահովելու նպատակով, լրացնել կցված հարցաշարը, որի լրացված տարբերակը կարող եք ուղարկել alaverdimunicipality@gmail.com հասցեին։

Հարցերի դեպքում կարող եք զանգահարել +374 253 2 41 00 հեռախոսահամարին։