Ուրախ ենք տեղեկացնել, որ երկրորդ անգամ իրականացվելու է «Կլիմայի փոփոխությունը և կանայք Հայաստանում 2024» միջոցառումը, որը կազմակերպում են ՀՀ շրջակա միջավայրի նախարարությունը և «Կանայք կլիմայում և էներգետիկայում» կազմակերպությունը՝ ՄԱԶԾ-ի ֆինանսավորմամբ և ՀՀ աշխատանքի և սոցիալական հարցերի նախարարության հետ համագործակցությամբ:

Միջոցառումը նպատակ ունի ճանաչել կանանց ներդրումը կլիմայի փոփոխության մեղմման և հարմարվողականության գործում։

Մրցանակաբաշխությունը բաղկացած է երկու մասից` արդեն իրականացված լուծումների և դեռ գաղափարի փուլում գտնվող լուծումներ:

Մրցանակաբաշխությանը հայտատուների շրջանակը շատ լայն է: Նոր գաղափարների լուծումներ կարող են ներկայացնել բոլոր մասնավոր, հասարակական, պետական ոլորտներում կլիմայի փոփոխության հակազդման գործունեություն ծավալող կանայք, ինչպես նաև առաջադրվել գործընկեր կառույցների կողմից:

Մրցանակաբաշխությունը ներառում է հետևյալ 7 անվանակարգերը.

- Կլիմայի փոփոխության մեղմման լուծումներ

- Կլիմայի փոփոխության հարմարվողականության լուծումներ

- Կլիմայական համայնքային գործողություններ և քաղաքականություն

- Կլիմայական խնդիրների և լուծումների լուսաբանում

- Կլիմայական կրթություն բոլորի համար

- Կլիմայական ֆինանսավորման և նորարարության լուծումներ

- Երիտասարդները կլիմայական գործողություններում:

Թեկնածուներին կարող են առաջադրել ինչպես կազմակերպությունները, այնպես էլ անհատները (ինքնաառաջադրվել)։

Նոր գաղափարների խրախուսմանը նվիրված դրամական մրցանակներ կշնորհվեն երկու հիմնական անվանակարգերում՝

- լավագույն տեխնիկական լուծում

- լավագույն ոչ տեխնիկական լուծումներ։

Իրականացված ծրագրերի մասով հայտը հասանելի է հետևյալ հղմամբ` https://forms.gle/68UxwNNuVRJASpZs8, իսկ գաղափարների համար՝ https://forms.gle/N7QqarjrnKUXbTbW7։

Հայտերն ընդունվում են մինչև 2024թ. հուլիսի 3-ը:

Հարցերի դեպքում կարող եք գրել awards@wice.am հասցեին:

Մրցանակաբաշխության մանրամասները հասանելի են www.wice.am կայքում, իսկ հայտարարությունը ՀՀ շրջակա միջավայրի նախարարության պաշտոնական կայքում հետևյալ հղմամբ՝ http://www.env.am/news/climate-change-06-2024։