Հարգելի՛ համաքաղաքացիներ,

ՀՀ կառավարության 04․07․2024 թ․ «Հայաստանի Հանրապետության Լոռու և Տավուշի մարզերում 2024 թվականի մայիսի 25-26-ը տեղացած հորդառատ անձրևներով պայմանավորված հեղեղումների պատճառով առաջացած արտակարգ իրավիճակի հետեւանքով աղետի գոտում ֆիզիկական անձանց պատճառված վնասի փոխհատուցման կարգը հաստատելու մասին» N 1043-Ն որոշման համաձայն շահառուների (ֆիզիկական անձանց) փոխհատուցման տրամադրման գործընթացը կազմակերպելու նպատակով հուլիսի 17-ից Ալավերդու համայնքապետարանում և Քարկոփ բնակավայրում ստեղծված աշխատանքային խմբերը կիրականացնեն դիմումների ընդունում:

Դիմումում պետք է ներառվեն.

1/ անունը, ազգանունը, հայրանունը, անձը հաստատող փաստաթղթի սերիան ու համարը, տրման ամսաթիվը, ում կողմից է տրված և վավերականության ժամկետը, հանրային ծառայությունների համարանիշը կամ այն չստանալու մասին տեղեկանքի համարը, գրանցման հասցեն.

2/ շահառուի հետադարձ կապի էլեկտրոնային փոստի հասցեն և բջջային հեռախոսահամարը.

3/ վնասված գույքի նկատմամբ սեփականության իրավունքը հավաստող ապացույցը՝ սույն կարգի թ-րդ կետին համապատասխան.

4/ փոխհատուցումը սպասարկող բանկը, որն ընտրում է ցանկից:

Փոխհատուցման կարգը առավել մանրամասն՝ ստորև կցված փաստաթղթում: 

Հարցերի դեպքում զանգահարել (0253) 2 46 00 հեռախոսահամարով: