Հարգելի՛ համաքաղաքացիներ, մասնավորապես՝ Ալավերդի համայնքի ՔՀԿ-ներ և հիմնադրամներ,
էներգախնայողության աջակցման հիմնադրամի և մի շարք այլ քաղ․ հասարակության կազմակերպությունների (ՔՀԿ) կողմից 2019թ. հիմնադրվեց ՔՀԿ-ների կոալիցիա հանուն կայուն և թափանցիկ էներգետիկայի։ ՔՀԿ-ների կոալիցիան ներառում է 25 ՔՀԿ-ների համագործակցող ցանց:
Էներգախնայողության աջակցման հիմնադրամը ներկայումս ներգրավված է Հայաստանի Հանրապետության տարածքային կառավարման և ենթակառուցվածքների նախարարության հետ համագործակցությամբ «ԵՄ-ն հայկական համայնքներում էներգաարդյունավետության և վերականգնվող էներգիայի համար» ծրագրի շրջանակներում, որը համաֆինանսավորվում է Եվրոպական միության (ԵՄ) և Գերմանիայի տնտեսական համագործակցության և զարգացման դաշնային նախարարության և իրականացվում՝ Գերմանիայի միջազգային համագործակցության ընկերության (ԳՄՀԸ/GIZ) կողմից, որպես «ԷԿՈսերվ» բնապահպանական ծրագրի մաս։
Ծրագրի շրջանակներում մեկնարկել է «Փոքր մասշտաբի վերականգնվող էներգիայի և էներգիաարդյունավետության միջոցառումներ հանրային շենքերում և պիլոտային մեկուսացում տնային տնտեսությունների մակարդակում» ծրագիրը, որն իրականացվում է Էներգախնայողության հիմնադրամը (ESF)։
Այս ծրագրի շրջանակներում նախատեսվում է աջակցել ՔՀԿ կոալիցիայի հետագա զարգացմանը և ընդլայնմանը՝ հատկապես շեշտադրելով մարզային ՔՀԿ-ների ներգրավումը Լոռուց, Գեղարքունիքից և Տավուշից։
Կոալիցիայի անդամ ՔՀԿ-ների համար կոալիցիայի անդամակցությունը հնարավորություն կտա ստանալ գիտելիքներ և փորձի փոխանակության հնարավորություն ոլորտի օրենսդրական բարեփոխումների, ներդրումային հնարավորությունների, էներգաարդյունավետության և վերականգնվող էներգիայի օգտագործման նախագծերի մշակման, իրազեկման և այլ ՔՀԿ-ների համար կարևոր հարցերի շուրջը, զարգացնել ՔՀԿ-ների/Հիմնադրամների կոալիցիան (համագործակցող ցանց) կայուն էներգետիկայի և կլիմայի փոփոխության ոլորտում, այդ թվում՝
– հանրային քաղաքականությունների մշակում,
– հանրային քննարկումներին մասնակցության ապահովում,
–էներգախնայողության, էներգաարդյունավետության տարբեր բաղադրիչների վերաբերյալ հանրության ուսուցում։
Հետաքրքրված ՔՀԿ–ները/Հիմնադրամները կարող են մինչև 25.07.2024 լրացնել հետևյալ հղմամբ հարցաշարը՝ HOME | Website (esfarmenia.org)։
Նշված ժամկետից հետո հիմնադրամի կողմից պատասխանատու Անահիտ Մանասյանը կապ կհաստատի հայտը լրացրած ՔՀԿ–ների/Հիմնադրամների հետ և կտեղեկացնի հետագա քայլերի վերաբերյալ։
Հարցերի դեպքում կարող եք զանգահարել 099 201648 հեռախոսահամարին։