Ի գիտություն Ալավերդի համայնքի բնակչությանը.
Հրդեհները շրջակա միջավայրին սպառնացող թիվ մեկ մարտահրավերներից է։ Հրդեհների առաջացման պատճառները լինում են և՛ բնածին, և՛ մարդածին, սակայն վիճակագրությունը ցույց է տալիս, որ դրանք գլխավորապես մարդկային անուշադրության կամ սխալ գործունեության արդյունք են։
Հրդեհներից խուսափելու համար խնդրվում է բացառել համայնքային տարածքներում, անտառամերձ ու անտառային տարածքների հողերում, արոտավայրերում, տնամերձ հողամասերում, այգիներում աշխատանքներ իրականացնելիս խստորեն պահպանել հակահրդեհային անվտանգության կանոնները, ցուցաբերել առավել զգուշավորություն, զերծ մնալ կրակ վառելուց, ծխախոտի մնացորդներ նետելուց, խոզանների, բուսական մնացորդներով ու չորացած բուսականությամբ տարածքների, արոտավայրերի ու խոտհարքների այրումից:
Տեղեկացնում ենք նաև, որ համաձայն «Մթնոլորտային օդի պահպանության մասին» ՀՀ օրենքի 21-րդ հոդվածի պահանջների՝ արգելվում է այրել խոզանները, բուսական մնացորդներով և չորացած բուսականությամբ տարածքները, իսկ այրելու դեպքում մեղավորները «Վարչական իրավախախտումների վերաբերյալ» ՀՀ օրեսգրքի 85.2 հոդվածով կենթարկվեն վարչական պատասխանատվության:
Անտառային և այլ բուսածածկ տարածքներում հրդեհի օջախներ նկատվելու դեպքում, խնդրվում է անմիջապես տեղեկացնել ՀՀ ՆԳՆ ՓԾ Լոռու մարզային փրկարարական վարչության (911) ծառայությանը: