Ծառայությունը տրամադրվում է համայնքի տարածքում շենքերի, շինությունների և քաղաքաշինական այլ օբյեկտների շինարարության կամ քանդման նպատակով: Ծառայության վերջնական արդյունքը, այսինքն՝ համայնքի ղեկավարի թույլտվությունը կամ մերժումը, դիմումատուն ստանում է անձամբ (կամ նրա կողմից լիազորված անձի միջոցով) համայնքապետարանի աշխատակազմի աշխատակցից։ Էլեկտրոնային ստորագրությամբ վավերացված փաստաթուղթը հնարավոր է ստանալ նաև պաշտոնական էլեկտրոնային փոստի միջոցով։ Քանդման (ապամոնտաժման) թույլտվությունը համայնքի ղեկավարի կողմից տրամադրվում կամ մերժվում է քանդման թույլտվություն ստանալու համար կառուցապատողի դիմումն ստանալու օրվանից մինչև 15 օր՝ կախված օբյեկտների կատեգորիայից։
Ծառայության տրամադրման համար անհրաժեշտ են հետևյալ փաստաթղթերը․
Դիմում՝ լրացված սահմանված ձևով: Դիմումի ձևը տրամադրում է համայնքապետարանի աշխատակազմի աշխատակիցը։ Դիմումի ձևը հնարավոր է ներբեռնել նաև համայնքապետարանի պաշտոնական էլեկտրոնային կայքի տեղեկատուներ բաժնի ձևաթղթերի շտեմարանից,
2. Դիմումատու իրավաբանական անձի պետական գրանցման վկայականի բնօրինակ, ՀՎՀՀ, բանկային վավերապայմաններ,
3. Դիմումատու քաղաքացու անձը հաստատող փաստաթղթի բնօրինակ,
4. Oբյեկտի քանդման նախագծային փաստաթղթերը` երկու օրինակից (ՀՀ օրենսդրությամբ սահմանված դեպքերում՝ նաև նախահաշվային փաստաթղթերը)- բնօրինակ,
5. Փորձաքննության դրական եզրակացություն կամ կապալառուի երաշխավորության պայմանագիր- բնօրինակ,
6. Անշարժ գույքի սեփականության իրավունքի գրանցման վկայականի կամ անշարժ գույքը փոփոխելու իրավունքը հաստատող լիազորագրի բնօրինակ,
7. Քանդման կամ շինարարության թույլտվության տեղական տուրքի մուծման անդորրագիրը,
8. Տեղեկանք` համայնքի բյուջեի նկատմամբ պարտավորությունների մասին:
Շինարարության թույլտվություն ստանալու համար անհրաժեշտ է տեղեկանք` համայնքի բյուջեի նկատմամբ պարտավորությունների մասին: